ਨਵਾਂਸ਼ਹਿਰ16 ਸਤੰਬਰ(ਵਿਸ਼ੇਸ਼ ਪ੍ਰਤੀਨਿਧੀ): ਜੇਕਰ ਲੋੜਵੰਦ ਵਿਅਕਤੀ ਜਾਂ ਬੱਚਿਆਂ ਦੀ ਸਮੇਂ ਸਿਰ ਸਹਾਇਤਾ ਕੀਤੀ ਜਾਵੇ ਤਾਂ ਇਸ ਦੇ ਨਤੀਜੇ ਸਾਰਥੱਕ ਨਿਕਲਦੇ ਹਨ। ਸਰਕਾਰੀ ਸਕੂਲ ਵਿੱਚ ਪੜ੍ਹਦੇ ਬੱਚੇ ਬਹੁਤ ਹੀ ਹੋਣਹਾਰ ਅਤੇ ਹੁਸ਼ਿਆਰ ਹੁੰਦੇ ਹਨ।ਪਰ ਕੁਝ ਮਾਪਿਆਂ ਦੀ ਆਰਥਿਕ ਹਾਲਤ ਪਤਲੀ ਹੋਣ ਕਰਕੇ ਬੱਚੇ ਆਪਣੀ ਪੜਾਈ ਮਜਬੂਰੀ ਵੱਸ ਵਿਚਕਾਰ ਹੀ ਛੱਡਣ ਲਈ ਮਜ਼ਬੂਰ ਹੋ ਜਾਂਦੇ ਹਨ। ਇਸ ਲਈ ਇਨ੍ਹਾਂ ਦੀ ਸਹਾਇਤਾ ਕਰਨਾ ਬਹੁਤ ਹੀ ਭਲੇ ਵਾਲਾ ਕੰਮ ਹੈ। ਇਹ ਵਿਚਾਰ ਡਾ.ਦੀਪਿਕਾ ਮਿੱਤਲ ਡੈਂਟਲ ਸਰਜਨ ਅਤੇ ਉਨ੍ਹਾਂ ਦੇ ਬੇਟੇ ਕਿੰਤਨ ਮਿੱਤਲ ਨੇ ਆਪਣੀ ਸਵਰਗਵਾਸੀ ਮਾਤਾ ਸ਼੍ਰੀਮਤੀ ਸ਼ੁਸਮਾ ਮਿੱਤਲ ਦੀ ਯਾਦ ਵਿੱਚ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਲੰਗੜੋਆ ਵਿਖੇ ਬੱਚਿਆ ਨੂੰ ਵਰਦੀਆਂ ਵੰਡਣ ਮੌਕੇ ਪ੍ਰੈਸ ਨਾਲ ਸਾਂਝੇ ਕੀਤੇ। ਸਕੂਲ ਮੁੱਖੀ ਵਲੋਂ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਇਨ੍ਹਾਂ ਵਲੋਂ ਕਰੋਨਾ ਕਾਲ ਸਮੇਂ ਵੀ ਬੱਚਿਆਂ ਦੀ ਮਦਦ ਕੀਤੀ ਸੀ ਅਤੇ ਸਮੇਂ-ਸਮੇਂ ਸਕੂਲ ਦੀ ਮਦਦ ਕਰਦੇ ਰਹਿੰਦੇ ਹਨ। ਅੱਜ ਉਨ੍ਹਾਂ ਵਲੋਂ ਸਕੂਲ ਦੇ ਜਨਰਲ ਵਰਗ ਦੇ 55 ਬੱਚਿਆਂ ਨੂੰ ਵਰਦੀਆਂ ਦਿੱਤੀਆਂ ਗਈਆ।ਉਨ੍ਹਾਂ ਨੂੰ ਸਕੂਲ ਵਲੋਂ ਸਨਮਾਨ ਚਿੰਨ੍ਹ ਦੇਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਰਮਨ ਕੁਮਾਰ ਸੈਂਟਰ ਹੈੱਡ ਟੀਚਰ, ਗੁਰਦਿਆਲ ਸਿੰਘ ਜਿਲ੍ਹਾ ਮੀਡੀਆ ਕੋਆਰਡੀਨੇਟਰ ,ਸ਼ਲੀਨਤਾ ਭਨੋਟ, ਰਿਤੂ ਸ਼ਰਮਾ, ਰਿੰਕੂ ਚੋਪੜਾ, ਬਲਵਿੰਦਰ, ਸ਼ੈਲੀ ਜੈਰਥ ਵੀ ਮੌਜੂਦ ਸਨ।
ਕੈਪਸ਼ਨ :- ਦਾਨੀ ਸੱਜਣ ਦਾ ਸਕੂਲ ਸਟਾਫ਼ ਅਤੇ ਪੰਚਾਇਤ ਮੈਬਰ ਸਨਮਾਨ ਕਰਦੇ ਹੋਏ।
ਕੈਪਸ਼ਨ :- ਦਾਨੀ ਸੱਜਣ ਦਾ ਸਕੂਲ ਸਟਾਫ਼ ਅਤੇ ਪੰਚਾਇਤ ਮੈਬਰ ਸਨਮਾਨ ਕਰਦੇ ਹੋਏ।
