ਨਵਾਂਸ਼ਹਿਰ 19 ਅਪ੍ਰੈਲ (ਵਿਸ਼ੇਸ਼ ਪ੍ਰਤੀਨਿਧੀ) - ਐਨ ਆਰ ਆਈ ਸਭਾ ਸ਼ਹੀਦ ਭਗਤ ਸਿੰਘ ਨਗਰ ਵੱਲੋਂ ਆਪਣੇ ਨਵੇਂ ਬਣੇ ਦਫ਼ਤਰ ਦਾ ਉਦਘਾਟਨ ਅਵਤਾਰ ਸਿੰਘ ਸ਼ੇਰਗਿੱਲ ਪ੍ਰਧਾਨ ਕੇਵਲ ਸਿੰਘ ਖਟਕੜ ਪ੍ਰਧਾਨ ਐਨ ਆਰ ਆਈ ਸਭਾ ਅਤੇ ਸਰਦਾਰ ਜਸਵੀਰ ਸਿੰਘ ਸ਼ੇਰਗਿੱਲ ਸਾਬਕਾ ਪ੍ਰਧਾਨ ਐਨ ਆਰ ਆਈ ਸਭਾ ਜਲੰਧਰ ਨੇ ਕੀਤਾ। ਇਸ ਮੌਕੇ ਐਨ ਆਰ ਆਈ ਵੀਰਾਂ ਦੇ ਮਸਲਿਆਂ ਅਤੇ ਵਿਚਾਰਾਂ ਕੀਤੀਆਂ ਗਈਆਂ। ਇਸ ਮੌਕੇ ਵੱਖ-ਵੱਖ ਬੁਲਾਰਿਆਂ ਨੇ ਐਨ ਆਰ ਆਈ ਸਭਾ ਨੂੰ ਆ ਰਹੀਆਂ ਦਰਪੇਸ਼ ਮੁਸ਼ਕਲਾਂ ਸਬੰਧੀ ਜਾਣੂੰ ਕਰਵਾਇਆ। ਪ੍ਰਧਾਨ ਸ਼ੇਰਗਿੱਲ ਅਤੇ ਖਟਕੜ ਨੇ ਜਿਲ੍ਹਾ ਪ੍ਰਸ਼ਾਸ਼ਨ ਅਤੇ ਡਿਪਟੀ ਕਮਿਸ਼ਨਰ ਦਾ ਦਫਤਰ ਅਲਾਟ ਕਰਨ ਤੇ ਧੰਨਵਾਦ ਕੀਤਾ। ਇਸ ਮੌਕੇ ਸ ਸੁਖਵਿੰਦਰ ਸਿੰਘ ਰਾਠੌਰ , ਮਹਿੰਦਰ ਸਿੰਘ ਬਾਠ, ਸਤਨਾਮ ਸਿੰਘ ਹੇੜੀਆ ,ਸ਼ਮਿੰਦਰ ਸਿੰਘ ਗਰਚਾ, ਸੋਢੀ ਸਿੰਘ ਸ਼ੇਰਗਿੱਲ, ਪਾਲ ਸਿੰਘ ਹੇੜੀਆ ,ਬਲਦੇਵ ਸੂੰਢ, ਸੋਢੀ ਸਿੰਘ ਯੂ ਕੇ , ਕੁਲਵਿੰਦਰ ਕੁਮਾਰ , ਸੁਖਵਿੰਦਰ ਸਿੰਘ ਮੰਗਾ, ਐਡਵੋਕੇਟ ਹਰਬੰਸ ਸਿੰਘ ਲੋਂਗੀਆ, ਇੰਦਰਜੀਤ ਸਿੰਘ ਮਾਨ,ਸਤਨਾਮ ਬਾਲੋ ਆਦਿ ਵੀ ਹਾਜ਼ਰ ਸਨ।
