ਨਵਾਂਸ਼ਹਿਰ : 5 ਅਪ੍ਰੈਲ (ਵਿਸ਼ੇਸ਼ ਪ੍ਰਤੀਨਿਧੀ) ਸਕੂਲ ਸਿੱਖਿਆ ਵਿਭਾਗ, ਪੰਜਾਬ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿ) ਜਗਜੀਤ ਸਿੰਘ ਅਤੇ ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿ). ਅਮਰੀਕ ਸਿੰਘ ਦੀ ਅਗਵਾਈ ਵਿੱਚ ਮਿਤੀ 5.04.2021 ਨੂੰ ਪੜ੍ਹੋ ਪੰਜਾਬ ਪੜ੍ਹਾਓ ਪੰਜਾਬ ਟੀਮ (ਸੈਕੰਡਰੀ) ਸ਼ਹੀਦ ਭਗਤ ਸਿੰਘ ਨਗਰ ਦੀ ਇੱਕ ਰੋਜ਼ਾ ਟਰੇਨਿੰਗ ਜ਼ਿਲ੍ਹਾ ਮੈਂਟਰ ਕੰਪਿਊਟਰ ਯੂਨਸ ਖੋਖਰ ਵੱਲੋਂ ਸ.ਸ.ਸ. ਸਕੂਲ ਨਵਾਂਸ਼ਹਿਰ ਵਿਖੇ ਕਰਵਾਈ ਗਈ। ਇਸ ਟਰੇਨਿੰਗ ਸੈਸ਼ਨ ਵਿੱਚ ਸਮਾਰਟ ਕਲਾਸ-ਰੂਮ, ਪ੍ਰੋਜੈਕਟਰ, ਲੈਨੋਵੋ ਟੈਬਲੇਟ, ਆਈਸਕੂਲਾ ਕਲਾਸ ਰੂਮ ਸਾਫ਼ਟਵੇਅਰ, ਮੈਕ ਐਡਰੈੱਸ ਫਾਈਂਡ ਕਰਨਾ ਆਦਿ ਦੀ ਸਿਖਲਾਈ ਕਰਵਾਈ ਗਈ। ਇਸ ਮੌਕੇ ਜ਼ਿਲ੍ਹਾ ਕੋਆਰਡੀਨੇਟਰ ਡੀ ਐਮ ਵਰਿੰਦਰ ਬੰਗਾ, ਡੀ. ਐਮ ਜਤਿੰਦਰ ਕੁਮਾਰ ਡੀ. ਐਮ ਨਰੇਸ਼ ਕੁਮਾਰ ਸਮੇਤ ਸਮੂਹ ਬੀ.ਐਮ ਹਾਜ਼ਰ ਸਨ।
