ਨਵਾਂਸ਼ਹਿਰ,19 ਜੁਲਾਈ:- ਦਫ਼ਤਰ ਡਿਪਟੀ ਕਮਿਸ਼ਨਰ ਸ਼ਹੀਦ ਭਗਤ ਸਿੰਘ ਨਗਰ ਵਲੋਂ ਜਿਲ੍ਹੇ ਦੀਆਂ ਹੋਣਹਾਰ ਵਿਦਿਆਰਥਣਾ ਅਤੇ ਕਰੋਨਾ ਕਾਲ ਦੁਰਾਨ ਮਹਿਲਾਵਾਂ ਅਧਿਆਪਕਾਂ ਵਲੋਂ ਸ਼ਲਾਘਾਯੋਗ ਸੇਵਾਵਾਂ ਨਿਭਾਉਣ ਹਿੱਤ ਮਹਿਲਾ ਦਿਵਸ ਨੂੰ ਸਮਰਪਿਤ ਸਨਮਾਨ ਚਿੰਨ ਅਤੇ ਕਿੱਟਾਂ ਅਤੇ ਸਰਟੀਫਿਕੇਟ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨਿਤ ਦਫ਼ਤਰ ਜਿਲ੍ਹਾ ਸਿੱਖਿਆ ਅਫ਼ਸਰ ਸ਼ਹੀਦ ਭਗਤ ਸਿੰਘ ਨਗਰ ਵਲੋਂ ਕੀਤਾ ਗਿਆ। ਇਸ ਮੌਕੇ ਜਗਜੀਤ ਸਿੰਘ ਜਿਲ੍ਹਾ ਸਿੱਖਿਆ ਅਫ਼ਸਰ(ਸੈ ਸਿ) ਅਤੇ ਜਗਦੀਪ ਸਿੰਘ ਜਿਲ੍ਹਾ ਸਿੱਖਿਆ ਅਫ਼ਸਰ(ਐ ਸਿ) ਨੇ ਸਾਂਝੇ ਤੌਰ ਤੇ ਸੰਬੋਧਨ ਕਰਦਿਆਂ ਕਿਹਾ ਕਿ ਇਨ੍ਹਾਂ ਬੱਚੀਆਂ ਅਤੇ ਕਰਮਚਾਰਨਾਂ ਨੇ ਕਰੋਨਾ ਕਾਲ ਦੁਰਾਨ ਬਹੁਤ ਵਧੀਆਂ ਢੰਗ ਨਾਲ ਕੰਮ ਕਰਕੇ ਦੂਸਰੇ ਕਰਮਚਾਰੀਆਂ ਲਈ ਮਿਸਾਲ ਪੈਦਾ ਕੀਤੀ ਹੈ। ਇਨ੍ਹਾਂ ਦੇ ਕੰਮ ਤੋਂ ਪ੍ਰੇਰਨਾ ਲੈਕੇ ਬਾਕੀ ਅਧਿਆਪਕਾਵਾਂ ਵੀ ਆਪਣੇ ਕੰਮ ਨੂੰ ਹੋਰ ਵਧੀਆਂ ਬਨਾਉਣ ਲਈ ਕੋਸ਼ਿਸ਼ ਕਰਨਗੇ। ਇਸ ਲਈ ਇਹ ਸਾਰੇ ਅਧਿਆਪਕ ਵਧਾਈ ਦੇ ਪਾਤਰ ਹਨ। ਇਨ੍ਹਾਂ ਅਧਿਆਪਕਾ ਨੂੰ ਅਮਰੀਕ ਸਿੰਘ ਅਤੇ ਛੋਟੂਰ ਰਾਮ ਦੋਵਾਂ ਉੱਪ ਜਿਲ੍ਹਾ ਸਿੱਖਿਆ ਅਫ਼ਸਰ ਸਾਹਿਹਬਾਨ ਨੇ ਵਧਾਈ ਦਿੱਤੀ । ਦਫ਼ਤਰ ਵਲੋਂ 28 ਅੱਪਰ ਪ੍ਰਾਇਮਰੀ,33 ਪ੍ਰਾਇਮਰੀ ਅਤੇ 19 ਬੱਚੀਆਂ ਨੂੰ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਜਸਵਿੰਦਰ ਸਿੰਘ ਸੁਪਰਡੈਂਟ,ਸਤਨਾਮ ਸਿੰਘ ਜਿਲ੍ਹਾ ਕੋਆਰਡੀਨੇਟਰ ਪਪਪਪ,ਦੇਸ ਰਾਜ ਜੂਨੀਅਰ ਸਹਾਇਕ,ਗੁਰਦਿਆਲ ਮਾਨ ਜਿਲ੍ਹਾ ਮੀਡੀਆ ਕੋਆਰਡੀਨੇਟਰ,ਕੁਲਵਿੰਦਰ ਕੌਰ,ਕਿਰਨ ਬਾਲਾ,ਰਾਕੇਸ ਰਾਏ,ਸੁਖਪ੍ਰੀਤ ਸਿੰਘ,ਬਲਵੰਤ ਰਾਏ,ਰਾਮ ਕੁਮਾਰ,ਰੀਨਾ ਰਾਏ ਅਤੇ ਨੀਲ ਕਮਲ ਵੀ ਮੌਜੂਦ ਸਨ।
