 |
| ਫੋਟੋ ਕੈਪਸ਼ਨ : ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਲੰਗੜੋਆ ਵਿਖੇ ਹੋਏ ਦੋ ਰੋਜਾ ਵਿਗਿਆਨ ਮੇਲੇ ਦੀਆਂ ਤਸਵੀਰਾਂ |
ਨਵਾਂਸ਼ਹਿਰ 24 ਨਵੰਬਰ (ਵਿਸ਼ੇਸ਼ ਪ੍ਰਤੀਨਿਧੀ) :- ਰਾਸ਼ਟਰੀ ਆਵਿਸ਼ਕਾਰ ਅਭਿਆਨ ਦੇ ਤਹਿਤ ਦੋ ਰੋਜਾ ਵਿਗਿਆਨ ਮੇਲਾ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਲੰਗੜੋਆ ਵਿੱਚ ਆਪਣੀਆ ਅਮਿਟ ਪੈੜਾ ਛੱਡਦਾ ਹੋਇਆ ਸਮਾਪਤ ਹੋਇਆ । ਜਿਸ ਵਿੱਚ ਮਿਡਲ ਪੱਧਰ ਦੇ 35 ਅਤੇ ਸੈਕੰਡਰੀ ਪੱਧਰ ਦੇ 20 ਮਾਡਲ ਵੱਖ- ਵੱਖ ਸਕੂਲਾਂ ਨੇ ਪ੍ਰਰਦਰਸ਼ਿਤ ਕੀਤੇ । ਪਹਿਲੇ ਦਿਨ ਇਸ ਮੇਲੇ ਦਾ ਉਦਘਾਟਨ ਉੱਪ ਜਿਲ੍ਹਾ ਸਿੱਖਿਆ ਅਫਸਰ ਸ਼੍ਰੀ ਅਮਰੀਕ ਸਿੰਘ , ਸ਼੍ਰੀ ਲਖਵੀਰ ਸਿੰਘ ਬੀ.ਐਨ.ਓ ਅਤੇ ਸਕੂਲ ਪ੍ਰਿੰਸਪਲ ਸ੍ਰੀਮਤੀ ਗੁਨੀਤ ਨੇ ਸਾਂਝੇ ਤੋਰ ਤੇ ਕੀਤਾ । ਇਸ ਮੇਲੇ ਵਿੱਚ ਵਿਚ ਵਿਦਿਆਰਥੀਆਂ ਨੇ ਆਪਣੇ ਮਾਡਲਾ ਰਾਹੀ ਵਿਗਆਨ ਵਿੱਚ ਲੁਕੇ ਰਹੱਸਾ ਨੂੰ ਬਖੂਬੀ ਦਰਸਾਇਆ ਜਿਸ ਨੂੰ ਦਰਸ਼ਕਾ ਦੁਆਰਾ ਸਲਾਹਿਆ ਗਿਆ । ਜੱਜਾਂ ਦੀ ਭੂਮਿਕਾ ਸ੍ਰੀ ਸੁਖਵਿੰਦਰ ਲਾਲ ਅਤੇ ਮੈਡਮ ਅਨੀਤਾ ਅਗਨਹੋਤਰੀ ਨੇ ਬਾਖੂਬੀ ਨਿਭਾਈ । ਜਿਸ ਵਿੱਚ ਮਿਡਲ ਪੱਧਰ ਤੇ ਵਰਿੰਦਰ ਕੌਰ ਸ.ਸ.ਸ.ਸ. ਕਾਹਮਾ ਨੇ ਪਹਿਲਾ , ਜਸਦੀਪ ਬੰਗੜ ਸ.ਸ.ਸ.ਸ ਕਰੀਹਾ ਨੇ ਦੂਸਰਾ ਅਤੇ ਅਰਮਾਨ ਮੱਲ ਸ.ਮ.ਸ. ਬੜਵਾ ਅਤੇ ਨਵਪ੍ਰੀਤ ਕੌਰ ਜੱਬੋਵਾਲ ਨੇ ਸਾਝੇਂ ਤੌਰ ਤੇ ਤੀਸਰਾ ਸਥਨਾ ਪ੍ਰਾਪਤ ਕੀਤਾ । ਸੈਕੰਡਰੀ ਪੱਧਰ ਤੇ ਹਰਚੇਤਨ ਸਿੰਘ ਸ.ਹ.ਸ. ਮਜਾਰਾ ਕਲਾਂ ਖੁਰਦ ਨੇ ਪਹਿਲਾ , ਨੇਹਾ ਸ.ਸ.ਸ.ਸ.ਸ. ਲੰਗੜੋਆ ਨੇ ਦੂਸਰਾ ਅਤੇ ਮੁਸਕਾਨ ਸ.ਸ.ਸ.ਸ. ਕਾਹਮਾ ਤੇ ਸਿਮਰਨ ਕੌਰ ਸ.ਸ.ਸ.ਸ. ਲਧਾਣਾ ਝਿੱਕਾ ਨੇ ਸਾਝੇ ਤੌਰ ਤੇ ਤੀਸਰਾ ਸਥਾਨ ਹਾਸਲ ਕੀਤਾ । ਇਨਾਮਾਂ ਦੀ ਵੰਡ ਉੱਪ ਜਿਲ੍ਹਾ ਸਿੱਖਿਆ ਅਫਸਰ ਸ੍ਰੀ ਅਮਰੀਕ ਸਿੰਘ, ਸ੍ਰੀ ਲਖਵੀਰ ਸਿੰਘ ਬੀ.ਐਨ.ਓ ਅਤੇ ਸਕੂਲ ਪ੍ਰਿੰਸਪਲ ਰਾਜੇਸ਼ ਕੁਮਾਰ ਨੇ ਸਾਂਝੇ ਤੌਰ ਤੇ ਕੀਤੀ । ਇਸ ਮੇਲੇ ਦੇ ਸੰਚਾਲਨ ਲਈ ਦੇਸ ਰਾਜ ਨੇ ਵਿਸ਼ੇਸ ਭੁਮਿਕਾ ਨਿਭਾਈ । ਇਸ ਮੌਕੇ ਤੇ ਵਿਸ਼ੇਸ਼ ਤੌਰ ਤੇ ਸ਼੍ਰੀ ਗੁਰਨਾਮ ਦਾਸ ਮਾਹੀ ਬੀ.ਐਮ ਮੈਥ, ਸ਼੍ਰੀ ਵਰਿੰਦਰ ਸਿੰਘ ਬੰਗਾ ਜਿਲਾ ਕੋਆਰਡੀਨੇਟਰ, ਸ੍ਰੀ ਨਰੇਸ਼ ਕੁਮਾਰ ਡੀ.ਐਮ ਸਾਇੰਸ, ਸ੍ਰੀ ਪਮੋਦ ਭਾਰਤੀ, ਸ. ਮਨੋਹਰ ਸਿੰਘ ਚੈਅਰਮੈਨ ਐਸ ਐਮ ਸੀ, ਸ੍ਰੀ ਅਸ਼ਵਨੀ ਕੁਮਾਰ ਹਾਜਰ ਹੋਏ । ਸਟੇਜ ਸਕੱਤਰ ਦੀ ਭੂਮਿਕਾ ਸ. ਮਨਮੋਹਨ ਸਿੰਘ ਨੇ ਨਿਭਾਈ । ਸਮਾਗਮ ਦੇ ਅੰਤ ਵਿੱਚ ਸ਼੍ਰੀਮਤੀ ਗੁਨੀਤ ਕੌਰ ਨੇ ਆਏ ਹੋਏ ਮਹਿਮਾਨਾ ਦਾ ਧੰਨਵਾਦ ਕੀਤਾ ।
