ਲੋਕ ਦੇ ਦਿਲਾਂ ਦੀ ਧੜਕਨ ਮੂਸੇਵਾਲੇ ਨੂੰ ਦਿੱਤੀ ਸ਼ਰਧਾਂਜਲੀ

ਨਵਾਂਸ਼ਹਿਰ 12 ਜੂਨ:- ਨੌਜਵਾਨਾਂ ਦੇ ਦਿਲਾਂ ਵਿੱਚ ਧੜਕਣ ਬਣਕੇ ਦੌੜਨ ਵਾਲੇ ਪੰਜਾਬੀ ਲੋਕ ਗਾਇਕ ਮਹਿਰੂਮ ਸਿੱਧੂ ਮੂਸੇਵਾਲੇ ਨੂੰ ਪਿੰਡ ਸਲੋਹ ਦੀ ਨੌਜਵਾਨ ਸਭਾ ਨੇ ਉਸਦੇ 29ਵੇਂ ਜਨਮ ਦਿਨ ਮੌਕੇ ਮੋਮਬੱਤੀਆਂ ਜਗਾ ਕੇ ਤੇ ਕੇਕ ਕੱਟ ਕੇ ਯਾਦ ਕਰਦਿਆਂ ਉਨ੍ਹਾਂ ਨੂੰ ਸਰਧਾਂਜਲੀ ਭੇਟ ਕੀਤੀ । ਇਸ ਮੌਕੇ ਤੇ ਪੰਚ ਮੋਹਨ ਲਾਲ ਸਲੋਹ ਨੇ ਸਿੰਗਰ ਦੇ ਕਤਲ ਦੀ ਨਿਖੇਧੀ ਕਰਦਿਆਂ ਕਾਤਲਾਂ ਨੂੰ ਸਜ਼ਾਵਾਂ ਦੇਣ ਦੀ ਮੰਗ ਕੀਤੀ ਤੇ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ ਤੇ ਖੇਡਾਂ ਵਿੱਚ ਦਿਲਚਸਪੀ ਦਿਖਾ ਕੇ ਰਿਸ਼ਟ ਪੁਸ਼ਟ ਰਹਿਣ ਲਈ ਜਾਗਰੂਕ ਵੀ ਕੀਤਾ। ਮੌਕੇ ਤੇ ਮੌਜੂਦ ਨੌਜਵਾਨ ਸਭਾ ਵੱਲੋਂ ਆਪਸੀ ਤਾਲਮੇਲ ਤੇ ਭਾਈਚਾਰਕ ਸਾਂਝ ਬਣਾ ਕੇ ਰੱਖਣ ਦਾ ਪ੍ਰਣ ਕੀਤਾ। ਇਸ ਮੌਕੇ ਤੇ ਪੰਚ ਅਮਿਤ ਮਨਚੰਦਾ, ਪ੍ਰਧਾਨ ਹਰਜਸ ਜੱਸੀ, ਗੁਰਦੀਪ ਸਿੰਘ, ਡਾਕਟਰ ਗੰਗੜ ਤੇ ਪਿੰਡ ਦੇ ਲੋਕ ਤੇ ਨੌਜਵਾਨ ਪੀੜ੍ਹੀ ਮੌਜੂਦ ਸੀ।