ਵਿਸ਼ੇਸ਼ ਰਿਪੋਰਟ:-8ਵਾਂ 'ਕ੍ਰਾਂਤੀ ਮੇਲਾ'
ਮਾਸਟਰ ਮੱਖਣ ਕ੍ਰਾਂਤੀ ਲੈਕਚਰਾਰ ਐਵਾਰਡ ਸ਼ਾਨਦਾਰ ਸੇਵਾਵਾਂ ਹਿੱਤ ਮਾਸਟਰ ਮੋਹਨ ਲਾਲ (ਮੈਥ ਮਾਸਟਰ ) ਨੂੰ ਪ੍ਰਦਾਨ
ਬਹੁਜਨ ਮਹਾਪੁਰਸ਼ਾਂ ਨੂੰ ਸਮਰਪਿਤ "ਆਰਟਿਸਟ ਕੈਂਪ ਵੀ ਰਿਹਾ ਮੇਲੇ ਵਿੱਚ ਖਿੱਚ ਦਾ ਕੇਂਦਰ
ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਪ੍ਰਗਤੀ ਕਲਾ ਕੇਂਦਰ (ਰਜਿ:) ਲਾਂਦੜਾ ਜਲੰਧਰ ਵਲੋਂ ਦੇਸ਼ ਦੀਆਂ ਔਰਤਾਂ ਦੀ ਪ੍ਰੇਰਨਾ ਸ੍ਰੋਤ ਤੇ ਔਰਤਾਂ ਦੇ ਜਿਨਸੀ ਸ਼ੋਸ਼ਣ ਤੇ ਜਾਤੀ ਭੇਦਭਾਵ ਦੀ ਲੜਾਈ ਲੜਨ ਵਾਲੀ ਫੂਲਨ ਦੇਵੀ ਜੀ ਨੂੰ ਸਮਰਪਿਤ ਤੇ ਵਿਹੜਿਆਂ ਦੇ ਕਲਾਕਾਰ,ਰੰਗ-ਮੰਚ ਦੇ ਸ਼ਹੀਦ ਮਾਸਟਰ ਮੱਖਣ ਕ੍ਰਾਂਤੀ ਦੀ ਯਾਦ 'ਚ 8ਵਾਂ ਕ੍ਰਾਂਤੀ ਮੇਲਾ, ਕ੍ਰਾਂਤੀ ਭਵਨ, ਕ੍ਰਾਂਤੀ ਕਲੋਨੀ ਪਾਲਨੋ, ਪਾਲਕਦੀਮ ਜ਼ਿਲ੍ਹਾ ਜਲੰਧਰ ਵਿਖੇ ਕਰਵਾਇਆ ਗਿਆ। ਮੇਲੇ ਦਾ ਉਦਘਾਟਨ ਠੇਕੇਦਾਰ ਭਗਵਾਨ ਦਾਸ ਸਿੱਧੂ (ਉੱਘੇ ਸਮਾਜ ਸੇਵਕ ) ਨੇ ਕੀਤਾ, ਜਦਕਿ ਸ਼ਮਾਂ ਰੌਸ਼ਨ ਕਰਨ ਦੀ ਰਸਮ ਹਾਕਮ ਸਿੰਘ ਨੂਰ (ਪ੍ਰਸਿੱਧ ਕਵੀ) ਨੇ ਨਿਭਾਈ। ਇਸ ਸਮਾਗਮ ਵਿੱਚ ਆਉਣ ਵਾਲੇ ਮਹਿਮਾਨਾਂ ਦਾ ਸਵਾਗਤੀ ਭਾਸ਼ਣ ਅਮਰਜੀਤ ਅਮਰੀ ਵੱਲੋਂ ਕੀਤਾ ਗਿਆ। ਇਸ ਮੌਕੇ '31ਵਾਂ ਬਲਰਾਜ ਸਾਹਨੀ ਯਾਦਗਾਰੀ ਪੁਰਸਕਾਰ ਪ੍ਰਸਿੱਧ ਕਹਾਣੀਕਾਰ ਭਗਵੰਤ ਰਸੂਲਪੁਰੀ ਨੂੰ ਦਿੱਤਾ ਗਿਆ। । ਲੋਕ ਕਵੀ 'ਚਰਨ ਦਾਸ ਨਿਧੜਕ ਪੁਰਸਕਾਰ ਗੁਰਮੀਤ ਕਲਿਆੜਵੀ (ਕਵੀ) ਨੂੰ ਦਿੱਤਾ ਗਿਆ । ਇਸ ਮੌਕੇ ਗੌ.ਸ. ਟੀਚਰ ਯੂਨੀਅਨ ਵੱਲੋਂ ਮਾਸਟਰ ਮੱਖਣ ਕ੍ਰਾਂਤੀ ਲੈਕਚਰਾਰ ਐਵਾਰਡ ਮਾਸਟਰ ਸੋਹਨ ਲਾਲ (ਮੈਥ ਮਾਸਟਰ ) ਨੂੰ ਦਿੱਤਾ ਗਿਆ। ਬਹੁਜਨ ਕਲਚਰ ਵਿੱਚ ਪਾਏ ਯੋਗਦਾਨ ਲਈ ਪ੍ਰਗਤੀ ਕਲਾ ਕੇਂਦਰ ਲਾਂਦੜਾ ਵੱਲੋਂ ਨਵ-ਵਿਆਹਤਾ ਜੋੜੇ ਮਾਸਟਰ ਰਿੰਕੂ ਸਿੰਘ ਤੇ ਅਵਨੀਤ ਕੌਰ ਖੋਖਰ ਖੁਰਦ (ਸੰਗਰੂਰ) ਨੂੰ ਵਿਸ਼ੇਸ਼ ਸਨਮਾਨ ਦਿੱਤਾ ਗਿਆ। ਮੇਲੇ ਦੌਰਾਨ ਪਹਿਲੀ ਕਿਤਾਬ, ਪ੍ਰੋਫੈਸਰ ਕੁਲਪ੍ਰੀਤ ਰਾਣਾ (ਕੈਨੇਡਾ) ਦੀ ਪੁਸਤਕ "ਕੈਨਵਸ ਦੇ ਬੋਲ" ਨੂੰ ਮੋਹਨ ਲਾਲ ਫਿਲੌਰੀਆ (ਦਲਿਤ ਕਹਾਣੀਕਾਰ) ਵੱਲੋਂ ਰਿਲੀਜ਼ ਕੀਤੀ ਗਈ। ਦੂਸਰੀ ਕਿਤਾਬ ਮਰਹੂਮ ਕਵੀ ਠਾਕਰ ਦਾਸ 'ਐਦਲ ਦੀ "ਦਲਿਤਨਾਮਾ" ਨੂੰ ਪ੍ਰਸਿੱਧ ਲੇਖਕ ਤੇ ਐਡਵੋਕੇਟ ਐੱਸ.ਐੱਲ. ਵਿਰਦੀ ਵੱਲੋਂ ਰਿਲੀਜ਼ ਕੀਤਾ ਗਿਆ। ਤੀਸਰੀ ਕਿਤਾਬ ਲੇਖਕ ਸੋਢੀ ਰਾਣਾ ਦੀ ਪੁਸਤਕ "ਐਪਰ ਬਿਨਾਂ ਕ੍ਰਾਂਤੀ....।" (ਕਾਵਿ ) ਨੂੰ ਜੈ ਪ੍ਰਕਾਸ਼ ਸਿੰਘ ਯੂ.ਪੀ (ਸਾਬਕਾ ਉਪ-ਪ੍ਰਧਾਨ ਤੇ ਕੋਆਰਡੀਨੇਟਰ ਬਸਪਾ) ਨੇ ਰੀਲੀਜ਼ ਕੀਤਾ, ਚੌਥੀ ਕਿਤਾਬ "ਉਡਾਨ" (ਸਵੈ-ਅਨੁਭਵ) ਲੇਖਕਾ ਪ੍ਰਸਿੱਧ ਪਰਬਤਾ ਅਰੋਹੀ ਪ੍ਰਿਆ ਅੰਬੇਡਕਰ, ਨੂੰ ਦਰਸ਼ਨ ਸਿੰਘ ਬਾਜਵਾ ਨੇ ਰਿਲੀਜ਼ ਕੀਤਾ। ਇਸ ਮੌਕੇ ਮਿਸ਼ਨਰੀ ਗਾਇਕ ਬਲਵਿੰਦਰ ਬਿੱਟੂ ਤੇ ਮਨਜੀਤ ਸੋਨੂੰ ਨੇ ਆਪਣੀ ਗਾਇਕੀ ਵਿੱਚ ਬਾਬਾ ਸਾਹਿਬ ਡਾ. ਅੰਬੇਡਕਰ ਤੇ ਸਾਹਿਬ ਕਾਂਸ਼ੀ ਰਾਮ ਦੀ ਯਾਦ ਵਿੱਚ ਗੀਤ ਪੇਸ਼ ਕੀਤੇ। ਪ੍ਰਗਤੀ ਕਲਾ ਕੇਂਦਰ (ਰਜ਼ਿ) ਲਾਂਦੜਾ ਦੀ ਟੀਮ ਨੇ ਨਿਰਦੇਸ਼ਕ ਸੋਢੀ ਰਾਣਾ ਦੀ ਅਗਵਾਈ ਹੇਠ ਨਾਟਕ "ਉੱਠਣ ਦਾ ਵੇਲਾ', 'ਜ਼ਿੰਦਗੀ ਜ਼ਿੰਦਾਬਾਦ' ਤੇ ਓਪੇਰਾ:ਵੀਰਾਂਗਨਾ ਫੂਲਨ ਦੇਵੀ ਪੇਸ਼ ਕੀਤਾ ਗਿਆ।
ਪ੍ਰਗਤੀ ਕਲਾ ਕੇਂਦਰ (ਰਜਿ) ਲਾਂਦੜਾ ਦੀਆਂ ਇਕਾਈਆਂ ਵਲੋਂ 'ਗੱਲ ਸੁਣ ਝੱਲਿਆ' ਤੇ 'ਦੋਹੇ ਗੁਰੂ ਰਵਿਦਾਸ ਜੀ ਦੇ ਕੋਰੀਓਗ੍ਰਾਫੀਆਂ ਦਾ ਸਫਲ ਮੰਚਨ ਕੀਤਾ ਗਿਆ। ਜਲਾਲਾਬਾਦ (ਫਾਜ਼ਿਲਕਾ) ਮਾਸਟਰ ਕਿਰਨਦੀਪ ਦੀ ਅਗਵਾਈ ਥੱਲੇ ਪ੍ਰਿਆ ਅੰਬੇਡਕਰ, ਪ੍ਰਸਿੱਧ ਪਰਬਤਾ ਅਰੋਹੀ ਦੀ ਜੀਵਨੀ ਨੂੰ ਸਮਰਪਿਤ (ਕੋਰੀਓਗ੍ਰਾਫੀ) ਦਾ ਮੰਚਨ ਕੀਤਾ ਬਰਾਸ ਫਾਊਡੈਸ਼ਨ ਗੋਬਿੰਦਗੜ੍ਹ-ਖੋਖਰ ਵੱਲੋਂ "ਵਿਗਿਆਨਕ ਆਧਾਰਿਤ ਬੋਲੀਆਂ-ਗਿੱਧਾ" ਦਾ ਵੀ ਸਫਲ ਮੰਚਨ ਕੀਤਾ ਗਿਆ । ਉੱਥੇ ਹੀ ਲੋਕ ਸੰਗੀਤ ਮੰਡਲੀ ਛਾਜਲੀ ਦੇ ਮਾਸਟਰ ਦੇਸ ਰਾਜ ਛਾਜਲੀ ਦੀ ਅਗਵਾਈ ਥੱਲੇ 'ਮੱਖਣ ਦੀ ਵਾਰ' ਨੂੰ ਪੇਸ਼ ਕੀਤਾ ਗਿਆ। ਇਸ ਮੌਕੇ ਪ੍ਰਗਤੀ ਕਲਾ ਕੇਂਦਰ ਲਾਂਦੜਾ ਦੇ ਮਰਹੂਮ ਕਲਾਕਾਰ ਮੋਨਿਕਾ ਪਾਲ ਤੇ ਚਰਨਜੀਤ ਚੰਨੀ ਲਸਾੜਾ ਦੀ ਯਾਦ 'ਚ, ਇਕਾਈ ਪ੍ਰਗਤੀ ਆਰਟਿਸਟ ਗਰੁੱਪ ਦੇ ਕੁਲਪ੍ਰੀਤ ਰਾਣਾ (ਕੈਨੇਡਾ) ਦੀ ਅਗਵਾਈ ਥੱਲੇ ਚਿੱਤਰ ਪ੍ਰਦਰਸ਼ਨੀ ਵੀ ਲਗਾਈ ਗਈ, ਜਿਸ ਦਾ ਉਦਘਾਟਨ ਰੋਹਿਤ ਗੁਡਾਲੀਆ (ਐੱਸ.ਸੀ, ਐੱਸ.ਟੀ.ਓ.ਬੀ.ਸੀ ਮਹਾਂ ਸੰਘਰਸ਼ ਕਮੇਟੀ,ਜਲਾਲਾਬਾਦ ) ਨੇ ਕੀਤਾ ਤੇ ਸ਼ਮਾਂ ਰੌਸ਼ਨ ਕਰਨ ਦੀ ਰਸਮ ਡਾ. ਪ੍ਰਸਾਦ ਕੁਮਾਰ 'ਸਵੈਨ (ਅਸਿਸਟੈਂਟ ਪ੍ਰੋਫੈਸਰ, ਐੱਲ.ਪੀ.ਯੂ) ਨੇ ਨਿਭਾਈ। ਇਕਾਈ ਪ੍ਰਗਤੀ ਆਰਟਿਸਟ ਗਰੁੱਪ ਦੇ ਦੀਪਕ ਕੁਮਾਰ ਦੀ ਅਗਵਾਈ ਵਿੱਚ ਬਹੁਜਨ ਨਾਇਕਾਂ ਦੇ ਚਿੱਤਰਾਂ ਦੇ ਆਧਾਰਿਤ 'ਆਰਟਿਸਟ ਕੈਂਪ ਵੀ ਲਗਾਇਆ ਗਿਆ। ਜਿਸ ਵਿੱਚ ਜਸਵੰਤ ਸੁਲਤਾਨਪੁਰੀ,ਅਤੁਲ ਮੱਟੂ,ਰੋਹਿਤ ਥਾਪਰ, ਕਵੀ ਚੌਹਾਨ, ਪ੍ਰੀਤ ਗਿੱਲ, ਯਸ਼ ਗਿੱਲ, ਵਾਕੇਸ਼ ਕੁਮਾਰ,ਦੀਪਕ ਮਲੋਟ ਤੇ ਮਨਪ੍ਰੀਤ ਕੌਰ ਨੇ ਹਿੱਸਾ ਲਿਆ । ਇਸ ਮੇਲੇ 'ਚ ਮੋਹਨ ਲਾਲ ਫਿਲੌਰੀਆ, ਦੇਸ ਰਾਜ ਛਾਜਲੀ, ਸੰਤੋਖ ਲਾਲ ਵਿਰਦੀ,ਪ੍ਰੋ:ਬੰਸੋ ਦੇਵੀ,ਦਰਸ਼ਨ ਸਿੰਘ ਬਾਜਵਾ,ਸੋਹਨ ਸਹਿਜਲ,ਚਮਨ ਲਾਲ ਚਣਕੋਆ, ਬਲਬੀਰ ਪ੍ਰੋਮਿਲਾ ਦੇਵੀ,ਦੇਸ ਰਾਜ ਕਾਲੀ, ਰਜਿੰਦਰ ਜੱਸੀ(ਯੂ.ਕੇ) ਦਾ ਪੂਰਾ ਪਰਿਵਾਰ, ਪ੍ਰਿਆ ਅੰਬੇਡਕਰ, ਜਗਦੀਸ਼ ਕੌਰ ਸਰਪੰਚ ਲਾਂਦੜਾ, ਪਰਮਜੀਤ ਕੌਰ ਸਰਪੰਚ ਖਾਨਪੁਰ, ਸੱਤਪਾਲ ਤੂਰ ਸਰਪੰਚ ਪਾਲਕਦੀਮ ,ਜਰਨੈਲ ਸਿੰਘ (ਪਾਲ ਨੌਂ), ਸੰਜੀਵ ਭੌਰਾ ਐਡਵੋਕੇਟ, ਗੁਰਪ੍ਰੀਤ ਖੋਖਰ, ਨਿਰਮਲ ਰੁੜਕਾ,ਰਾਮਪਾਲ ਬਟੋਆ,ਅਵਤਾਰ ਮੰਤਰੀ, ਓਮ ਪ੍ਰਕਾਸ਼ ਸਰੋਏ, ਜਗਦੀਸ਼ ਕੁਮਾਰ ਰਿੰਕਾ, ਅੰਮ੍ਰਿਤ ਭੌਸਲੇ, ਮਾਸਟਰ ਪ੍ਰਦੀਪ, ਮਾਸਟਰ ਸੁਰਿੰਦਰ ਪੁਆਰੀ, ਮੈਡਮ ਮਨਜੀਤ ਕੌਰ ਤੇ ਇਲਾਕੇ ਭਰ ਦੇ ਪੰਚ ਸਰਪੰਚ ਅਧਿਆਪਕ ਸਹਿਬਾਨ ਤੇ ਮੋਹਤਬਾਰ ਹਾਜ਼ਰ ਸਨ । ਅਖੀਰ ਵਿੱਚ ਟੀਮ ਦੇ ਡਾਇਰੈਕਟਰ ਸੋਢੀ ਰਾਣਾ ਤੇ ਅਮਰਜੀਤ ਅਮਰੀ ਜੀ ਨੇ ਸਾਰੀਆਂ ਸਹਿਯੋਗੀ ਸਖ਼ਸ਼ੀਅਤਾਂ, ਸੰਸਥਾਵਾਂ ਤੇ ਆਏ ਹੋਏ ਮੀਡੀਆ ਕਰਮੀਆਂ ਦਾ ਧੰਨਵਾਦ ਕੀਤਾ ਤੇ ਦਰਸ਼ਕਾਂ ਨੂੰ ਆਉਣ ਵਾਲੇ ਅਗਲੇ ਸਾਲ ਦੇ ਕ੍ਰਾਂਤੀ ਮੇਲੇ ਵਿੱਚ ਸਹਿਯੋਗੀ ਰਹਿਣ ਦੀ ਅਪੀਲ ਕੀਤੀ।
