ਹੁਸ਼ਿਆਰਪੁਰ 1 ਨਵੰਬਰ (ਪ੍ਰਸ਼ੋਤਮ ਲਾਲ ਦੜੋਚ)ਸਰਕਾਰੀ ਕਾਲਜ ਹੁਸ਼ਿਆਰਪੁਰ ਦੇ ਪ੍ਰਿੰਸੀਪਲ ਡਾ . ਗਗਨਦੀਪ ਚੀਮਾ ਜੀ ਦੀ ਅਗਵਾਈ ਦੇ ਵਿੱਚ ਕਾਲਜ ਦੀ ਐਨ. ਐਸ. ਐਸ. ਟੀਮ ਅਤੇ ਇਤਿਹਾਸ ਵਿਭਾਗ ਨੇ ਅੱਜ ਸਰਦਾਰ ਪਟੇਲ ਜੀ ਦਾ 150 ਵਾਂ ਜਨਮ ਦਿਵਸ ਮਨਾਇਆ । ਇਸ ਮੌਕੇ ਪ੍ਰਿੰਸੀਪਲ ਗਗਨਦੀਪ ਚੀਮਾ ਜੀ ਨੇ ਵਿਦਿਆਰਥੀਆਂ ਨੂੰ ਸਰਦਾਰ ਪਟੇਲ ਜੀ ਦੇ ਜੀਵਨ ਅਤੇ ਰਾਸ਼ਟਰੀ ਏਕਤਾ ਦਿਵਸ ਬਾਰੇ ਵਡਮੁੱਲੀ ਜਾਣਕਾਰੀ ਦਿੱਤੀ । ਐਨ ਐਸ ਐਸ ਪ੍ਰੋਗਰਾਮ ਅਫ਼ਸਰ ਰਣਜੀਤ ਕੁਮਾਰ , ਕੁਲਵਿੰਦਰ ਕੌਰ ਅਤੇ ਅਰੁਣ ਕੁਮਾਰ ਨੇ ਵਿਦਿਆਰਥੀਆਂ ਨੂੰ ਸਰਦਾਰ ਪਟੇਲ ਦੇ ਜੀਵਨ ਅਤੇ ਕੰਮਾਂ ਬਾਰੇ ਜਾਣਕਾਰੀ ਦਿੱਤੀ ।ਇਸ ਦੌਰਾਨ ਕਾਲਜ ਦੇ ਵਿੱਚੋ ਫਗਵਾੜਾ ਚੌਕ ਤੱਕ ਪੈਦਲ ਮਾਰਚ ਕੱਢਿਆ ਗਿਆ । ਇਸ ਤੋਂ ਇਲਾਵਾ ਪੋਸਟਰ ਬਣਾਉਣ , ਨਿਬੰਧ ਲੇਖਨ ਮੁਕਾਬਲੇ ਅਤੇ ਭਾਸ਼ਣ ਮੁਕਾਬਲੇ ਵੀ ਕਰਵਾਏ ਗਏ । ਜਿਸ ਵਿੱਚ ਜਸਦੀਪ ਕੌਰ , ਸਿਮਰਨ , ਪ੍ਰਭਜੋਤ , ਗੁਰਵਿੰਦਰ , ਕਰੁਣਾ , ਲਵਲੀਨ , ਮਨਦੀਪ ਕੌਰ , ਜਸਪ੍ਰੀਤ , ਸੁਜਾਤਾ , ਗੌਰਵ , ਹਰਸਿਮਰਨ ਸਿੰਘ ਅਤੇ ਕਈ ਹੋਰ ਵਿਦਿਆਰਥੀ ਹਾਜ਼ਿਰ ਸਨ ।
