ਨਵਾਂਸ਼ਹਿਰ, 23 ਦਸੰਬਰ : -ਪਿੰਡ ਕਾਹਲੋਂ ਵਿਖੇ ਵਿਧਾਇਕ ਅੰਗਦ ਸਿੰਘ ਵਲੋਂ 6 ਲੱਖ 50 ਹਜ਼ਾਰ ਰੁਪਏ ਦੀ ਲਾਗਤ ਨਾਲ ਸੜਕ ਦਾ ਨਿਰਮਾਣ ਕਾਰਜ ਸ਼ੁਰੂ ਕਰਵਾਇਆ ਗਿਆ ਹੈ।ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸੜਕਾਂ ਦੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਵੱਡੇ ਪੱਧਰ ਤੇ ਯਤਨ ਕੀਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਦੇ ਭਵਿੱਖ ਨੂੰ ਬਿਹਤਰ ਬਣਾਉਣ ਲਈ ਪਿੰਡਾਂ ਵਿੱਚ ਜ਼ਿੰਮ ਦਾ ਸਮਾਨ ਅਤੇ ਖੇਡ ਕਿੱਟਾਂ ਭੇਂਟ ਕੀਤੀਆਂ ਜਾ ਰਹੀਆਂ ਹਨ। ਇਸ ਤੋਂ ਇਲਾਵਾ ਖੇਡ ਕਿੱਟਾਂ ਵਿੱਚ ਕ੍ਰਿਕਟ ਕਿੱਟ,ਵਾਲੀਵਾਲ ਕਿੱਟ, ਫੁੱਟਬਾਲ ਕਿੱਟ ਅਤੇ ਲੜਕੀਆਂ ਲਈ ਬੈਡਮਿੰਟਨ ਕਿੱਟ ਸ਼ਾਮਲ ਹਨ। ਇਸ ਮੌਕੇ ਸਰਪੰਚ ਬਲਕਰਨ ਸਿੰਘ, ਪੰਚ ਸੋਮ ਨਾਥ, ਪ੍ਰੇਮ ਸਿੰਘ ਦਰੀਆਪੁਰ, ਕਰਨੈਲ ਸਿੰਘ ਪੰਚ, ਸੰਤੋਖ ਸਿੰਘ, ਜਸਬੀਰ ਸਿੰਘ, ਮਦਨ ਲਾਲ, ਬਲਵਿੰਦਰ ਸਿੰਘ, ਸਤਨਾਮ ਸਿੰਘ ਪ੍ਰਧਾਨ, ਰਣਜੀਤ ਸਿੰਘ, ਲੰਬੜਦਾਰ ਬਲਬੀਰ ਸਿੰਘ, ਸੋਮ ਨਾਥ, ਮੇਵਾ ਰਾਮ, ਸੁਸ਼ੀਲ ਮਿੰਟੂ, ਮਹਿੰਦਰ ਕੌਰ ਪ੍ਰਧਾਨ, ਕਰਨੈਲ ਸਿੰਘ, ਅਮਰੀਕ ਸਿੰਘ, ਅਜੀਤ ਸਿੰਘ, ਸੁਰਿੰਦਰ ਸਿੰਘ ਅਤੇ ਅਮਰਜੀਤ ਜੀ ਹਾਜ਼ਿਰ ਸਨ।
