ਅਧਿਆਪਕ ਯੂਨੀਅਨ ਵੱਲੋਂ ਡਾਕਟਰ ਅੰਬੇਦਕਰ ਦੀ 131ਵੀਂ ਜੈਅੰਤੀ ਮਨਾਈ

ਨਵਾਂਸ਼ਹਿਰ 14 ਅਪ੍ਰੈਲ :-  ਐਸ ਸੀ, ਬੀ ਸੀ ਅਧਿਆਪਕ ਯੂਨੀਅਨ ਪੰਜਾਬ ਦੀ ਨਵਾਂਸ਼ਹਿਰ ਇਕਾਈ ਵੱਲੋਂ ਅੱਜ ਅੰਬੇਡਕਰ ਚੌਕ ਨਜ਼ਦੀਕ ਬਸ ਸਟੈਂਡ ਵਿਖੇ ਬਾਬਾ ਸਾਹਿਬ ਦੇ ਬੁੱਤ 'ਤੇ ਫੁੱਲ ਮਾਲਾਵਾਂ ਭੇਟ ਕਰਕੇ ਡਾਕਟਰ ਅੰਬੇਡਕਰ ਦਾ 131 ਜਨਮ ਦਿਨ ਮਨਾਇਆ ਗਿਆ। ਇਸ ਮੌਕੇ 'ਤੇ ਅਧਿਆਪਕ ਦੇਸ ਰਾਜ ਨੌਰਦ ਨੇ ਆਪਣੇ ਸਾਥੀਆਂ ਸਮੇਤ ਬਾਬਾ ਸਾਹਿਬ ਦੇ ਮਿਸ਼ਨ ਪੜੋ, ਜੁੜੋ ਤੇ ਸੰਘਰਸ਼ ਕਰੋ ਨੂੰ ਘਰ ਘਰ ਪਹੁੰਚਾਉਣ ਦੀ ਗੱਲ ਕਹੀ।ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸਾਨੂੰ ਬਾਬਾ ਸਾਹਿਬ ਦੇ ਪੂਰਨਿਆਂ ਤੇ ਚਲਦਿਆਂ ਇੱਕ ਵਧੀਆ ਨਾਗਰਿਕ ਦੇ ਤੌਰ ਤੇ ਵਿਚਰਦਿਆਂ ਸਮਾਜ ਦੀ ਸੇਵਾ ਕਰਨੀ ਚਾਹੀਦੀ ਹੈ। ਇਸ ਮੌਕੇ 'ਤੇ ਮਲਕੀਤ ਸਿੰਘ, ਧਰਮ ਪਾਲ, ਪਰਵਿੰਦਰ ਭੰਗਲ, ਨਰੇਸ਼ ਕੁਮਾਰ ਭੱਟੀ, ਹਰਮੇਸ਼ ਲਾਲ, ਕਿਸਨ ਦੇਵ, ਜੋਗਿੰਦਰ ਪਾਲ ਪ੍ਰਧਾਨ, ਪ੍ਰੇਮ ਰਤਨ, ਜਸਵਿੰਦਰ ਸਿੰਘ ਸੰਧੂ, ਨਿਰਮਲ ਸਿੰਘ ਤੇ ਜਗਦੀਸ ਰਾਏ ਨੇ ਫੁੱਲ ਮਾਲਾਵਾਂ ਭੇਂਟ ਕਰਕੇ ਤੇ ਲੰਡੂ ਵੱਡ ਕੇ ਬਾਬਾ ਸਾਹਿਬ ਡਾ ਅੰਬੇਡਕਰ ਜੀ ਦੇ ਜਨਮ ਦਿਨ ਦੀ ਖੁਸੀ ਸਾਂਝੀ ਕਰਦਿਆਂ  ਵਧਾਈ ਦਿੱਤੀ।