ਜ਼ਿਲ੍ਹਾ ਪੱਧਰੀ "ਯੋਗ ਓਲੰਪਿਅਡ"ਮੁਕਾਬਲੇ 13 ਨੂੰ-ਸਰਾਏ

ਨਵਾਂਸਹਿਰ 11 ਮਈ:- ਅੰਤਰਰਾਸ਼ਟਰੀ ਯੋਗ ਦਿਵਸ ਸਬੰਧੀ ਸਿੱਖਿਆ ਵਿਭਾਗ ਵੱਲੋਂ ਸਕੂਲ ਪੱਧਰ ਤੋਂ ਲੈ ਕੇ ਨੈਸ਼ਨਲ ਪੱਧਰ ਤੱਕ "ਯੋਗ ਓਲੰਪੀਆਡ" ਮੁਕਾਬਲੇ ਕਰਵਾਉਣ ਦੀ ਲੜੀ ਤਹਿਤ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨੇ ਜ਼ਿਲ੍ਹਾ ਪੱਧਰੀ "ਯੋਗ ਓਲੰਪੀਆਡ" ਮੁਕਾਬਲੇ 13 ਮਈ ਦਿਨ ਸ਼ੁੱਕਰਵਾਰ ਨੂੰ ਸਵੇਰੇ 8.00 ਵਜੇ ਜੇ.ਐੱਸ .ਐਫ.ਐੱਚ ਖ਼ਾਲਸਾ ਹਾਈ ਸਕੂਲ ਨਵਾਂਸ਼ਹਿਰ ਵਿਖੇ ਕਰਵਾਏ ਜਾਣਗੇ।ਇਹਨਾਂ ਮੁਕਾਬਲਿਆਂ ਦੀ ਤਿਆਰੀ ਸਬੰਧੀ ਅੱਜ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ.ਸਿ) ਕੁਲਵਿੰਦਰ ਸਿੰਘ ਸਰਾਏ ਦੀ ਅਗਵਾਈ ਵਿਚ ਜ਼ਿਲ੍ਹਾ ਪੱਧਰੀ ਮੀਟਿੰਗ ਹੋਈ । ਇਸ ਸਬੰਧੀ ਕੁਲਵਿੰਦਰ ਸਿੰਘ ਸਰਾਏ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ.ਸਿ) ਕੁਲਵਿੰਦਰ ਸਿੰਘ ਸਰਾਏ ਨੇ ਦੱਸਿਆ ਕਿ ਇਸ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਵਿਚੋਂ ਦੋ ਮਿਡਲ ਪੱਧਰ(ਇਕ ਲੜਕਾ ਤੇ ਇੱਕ ਲੜਕੀ) ਅਤੇ 2 ਸੈਕੰਡਰੀ ਪੱਧਰ (ਇਕ ਲੜਕਾ ਤੇ ਇੱਕ ਲੜਕੀ) ਤੇ ਜੇਤੂ ਵਿਦਿਆਰਥੀ ਰਾਜ ਪੱਧਰ ਤੇ ਹੋਣ ਵਾਲੇ ਮੁਕਾਬਲੇ ਵਿਚ ਭਾਗ ਲੈਣਗੇ। ਉਨ੍ਹਾਂ ਕਿਹਾ ਇਸ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਲਈ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆ ਹਨ। ਇਸ ਮੀਟਿੰਗ ਵਿਚ ਅਮਰੀਕ ਸਿੰਘ ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ.ਸਿ),ਜਸਬੀਰ ਸਿੰਘ ਬੈਂਸ ਡੀ.ਐਮ ਸਰੀਰਕ ਸਿੱਖਿਆ, ਅਜੇ ਖਟਕੜ ਡੀ.ਐਮ ਪੰਜਾਬੀ, ਬਲਵੰਤ ਰਾਏ ਕਲਰਕ ਆਦਿ ਹਾਜ਼ਰ ਸਨ।