ਡੀ.ਈ.ਓ ਸਰਾਏ ਵੱਲੋਂ ਹਾਈ ਸਕੂਲ ਪੋਜੇਵਾਲ ਦੀ ਅਚਨਚੇਤ ਵਿਜ਼ਟ ਕੀਤੀ

ਨਵਾਂਸਹਿਰ 6 ਮਈ :  ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿ) ਕੁਲਵਿੰਦਰ ਸਿੰਘ ਸਰਾਏ  ਵੱਲੋਂ ਅੱਜ ਸਰਕਾਰੀ ਹਾਈ ਸਕੂਲ ਪੋਜੇਵਾਲ ਦੀ ਵਿਸ਼ੇਸ਼ ਵਿਜ਼ਟ ਕੀਤੀ। ਇਸ ਵਿਜ਼ਟ ਦੌਰਾਨ ਜ਼ਿਲ੍ਹਾ ਸਿੱਖਿਆ ਅਫ਼ਸਰ  ਵੱਲੋਂ ਸਿੱਖਿਆ ਵਿਭਾਗ ਵੱਲੋਂ ਚਲਾਏ ਜਾ ਰਹੇ ਵੱਖ ਵੱਖ ਪ੍ਰਾਜੈਕਟਾਂ ਬਾਰੇ ਜਾਣਕਾਰੀ ਹਾਸਲ ਕੀਤੀ ਅਤੇ ਸਕੂਲ ਦਾ ਸਮੁੱਚਾ ਨਿਰੀਖਣ ਕੀਤਾ । ਇਸ ਤੋਂ ਇਲਾਵਾ ਉਨ੍ਹਾਂ ਨਵੇਂ ਦਾਖ਼ਲੇ ਸਬੰਧੀ ਵੀ ਸਟਾਫ਼ ਨਾਲ ਵਿਚਾਰ ਚਰਚਾ ਕੀਤੀ। ਇਸ ਤੋਂ ਇਲਾਵਾ ਇੰਗਲਿਸ਼ ਬੂਸਟਰ ਕਲੱਬ, ਅਤੇ ਵਿਦਿਆਰਥੀਆਂ ਦੀ  ਸਿੱਖਿਆ ਸਬੰਧੀ ਵੀ ਵਿਚਾਰ ਚਰਚਾ ਕੀਤੀ। ਇਸ ਤੋਂ ਇਲਾਵਾ ਉਨ੍ਹਾਂ  ਵੱਲੋਂ ਸਮਾਰਟ ਸਕੂਲ ਪ੍ਰਾਜੈਕਟ ਦਾ ਵੀ ਜਾਇਜ਼ਾ ਲਿਆ।  ਉਨ੍ਹਾਂ ਸਕੂਲ ਦੇ ਬੱਚਿਆ ਨੂੰ ਅੰਤਰਰਾਸ਼ਟਰੀ ਸਾਹਿੱਤਿਕ ਸੰਸਥਾ ਪੰਜਾਬੀ  ਸੱਥ ਵੱਲੋਂ ਸਕੂਲ ਸਟਾਫ਼ ਨੂੰ ਮੁਫ਼ਤ ਕਿਤਾਬਾਂ ਦਿੱਤੀਆਂ ਅਤੇ ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਅੱਜ ਸਮੇਂ ਦੀ ਲੋੜ ਹੈ ਕਿ ਅਸੀਂ ਆਪਣੇ ਬੱਚਿਆ ਵਿਚ ਸਾਹਿੱਤਿਕ ਰੁਚੀ ਪੈਦਾ ਕਰੀਏ। ਇਸ ਮੌਕੇ ਪ੍ਰਿੰਸੀਪਲ ਦਿਲਬਾਗ ਰਾਏ, ਮੈਂਬਰ ਜ਼ਿਲ੍ਹਾ ਸਿੱਖਿਆ ਸੁਧਾਰ ਟੀਮ  ਨਿਰਮਲ ਸਿੰਘ , ਚੰਦਰ ਸ਼ੇਖਰ , ਰੇਨੂੰ ਬਾਲਾ, ਸਤਿੰਦਰ ਪਾਲ, ਜਤਿੰਦਰ ਕੌਰ,ਪਵਨ ਕੁਮਾਰ ਬੀ.ਐਮ, ਸੰਜੀਵ ਕੁਮਾਰ ,ਤਨੂੰ , ਆਦਿ ਸਮੇਤ ਸਮੂਹ ਸਟਾਫ਼ ਤੇ ਬੱਚੇ ਹਾਜ਼ਰ ਸਨ।