ਖੇਡਾਂ ਵਤਨ ਪੰਜਾਬ ਦੀਆਂ-2022 ਵਿੱਚ ਜੂਡੋ ਵਿੱਚ ਸ.ਮਿ.ਸ ਖੇੜੀ ਗੁੱਜਰਾਂ ਨੇ ਜਿੱਤੇ ਚਾਰ ਕਾਂਸੀ ਦੇ ਤਗਮੇ

ਪਟਿਆਲਾ  18 ਸਤੰਬਰ - ਪੰਜਾਬ ਸਰਕਾਰ ਦੁਆਰਾ ਪਟਿਆਲਾ ਵਿਖੇ ਕਰਵਾਈਆਂ ਜਾ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ-2022 ਵਿੱਚ ਜ਼ਿਲ੍ਹਾ ਪੱਧਰ ਵਿਚ ਸਰਕਾਰੀ ਮਿਡਲ ਸਕੂਲ ਖੇੜੀ ਗੁੱਜਰਾਂ (ਪਟਿਆਲਾ) ਦੀ ਮਨਪ੍ਰੀਤ ਕੌਰ ਨੇ ਜੂਡੋ ਵਿੱਚ ਅੰਡਰ-14 (-52 ਕਿਲੋ ਭਾਰ) ਵਿੱਚ, ਖੁਸ਼ਵਿੰਦਰ ਕੌਰ ਅੰਡਰ-17 (-52 ਕਿਲੋ ਭਾਰ) ਵਿੱਚ, ਰਮਨਪ੍ਰੀਤ ਕੌਰ ਅੰਡਰ-17 (-52 ਕਿਲੋ ਭਾਰ) ਵਿੱਚ ਅਤੇ ਸੰਜਨਾ ਕੁਮਾਰੀ ਅੰਡਰ-17 (-57 ਕਿਲੋ ਭਾਰ) ਵਿੱਚ ਕਾਂਸੀ ਦਾ ਤਗਮਾ ਹਾਸਲ ਕੀਤਾ।ਜੂਡੋ ਵਿੱਚ ਇਸ ਸ਼ਾਨਦਾਰ ਪ੍ਰਦਰਸ਼ਨ ਵਿੱਚ ਸ੍ਰੀਮਤੀ ਮਮਤਾ ਰਾਣੀ (ਪੀ.ਟੀ.ਆਈ.) ਸਰਕਾਰੀ ਮਿਡਲ ਸਕੂਲ ਖੇੜੀ ਗੁੱਜਰਾਂ (ਪਟਿਆਲਾ) ਦਾ ਅਹਿਮ ਯੋਗਦਾਨ ਰਿਹਾ। ਸ੍ਰੀਮਤੀ ਮਮਤਾ ਰਾਣੀ ਜੀ ਆਪ ਵੀ ਜੂਡੋ ਵਿੱਚ ਨੈਸ਼ਨਲ ਲੈਵਲ ਖਿਡਾਰੀ ਰਹਿ ਚੁੱਕੇ ਹਨ। ਇਸ ਮੌਕੇ ਤੇ ਸੁਰਿੰਦਰ ਸਿੰਘ (ਸੀਨੀਅਰ ਕੋਚ, ਐੱਨ.ਆਈ.ਐੱਸ), ਨਵਜੋਤ ਸਿੰਘ ਧਾਰੀਵਾਲ (ਕੋਚ), ਚਰਨਜੀਤ ਸਿੰਘ (ਲੈਕਚਰਾਰ ਫਿਜੀਕਲ ਐਜੂਕੇਸ਼ਨ), ਜਸਵਿੰਦਰ ਸਿੰਘ, ਸੋਹਨ ਸਿੰਘ ਰਾਵਤ, ਰਾਜੇਸ਼ ਕੁਮਾਰ, ਆਨੰਦ ਸਿੰਘ, ਮਨਪ੍ਰੀਤ ਕੌਰ, ਅਮਨ ਕੌਰ, ਅਨੂ ਰਾਣੀ ,ਅਕਸ਼ੈ ਚੌਧਰੀ ਅਤੇ ਹੋਰ ਕੋਚ ਸਹਿਬਾਨ ਮੌਜੂਦ ਸਨ।