ਨਵਾਂਸ਼ਹਿਰ 31 ਮਈ- ਨਜ਼ਦੀਕੀ ਪਿੰਡ ਗਰਲੇ ਢਾਹਾਂ ਤੋਂ ਕੁਲਵੰਤ ਸਿੰਘ ਉਰਫ ਬਿੱਲਾ ਜਿਸਦੀ ਉਮਰ 55 ਸਾਲ ਦੀ ਹੈ ਨਾਂ ਦਾ ਵਿਅਕਤੀ ਪਿਛਲੇ ਦੋ ਦਿਨਾਂ ਤੋਂ ਲਾਪਤਾ ਹੈ। ਜਾਣਕਾਰੀ ਦਿੰਦੇ ਹੋਏ ਉਸਦੇ ਪੁੱਤਰ ਲਵਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਸਦੇ ਪਿਤਾ ਦੀ ਸਿਰ ਦੀ ਸੱਟ ਕਾਰਨ ਮਾਨਸਿਕ ਸਥਿਤੀ ਠੀਕ ਨਹੀਂ ਹੈ। ਜੋ ਕਿ ਦੋ ਦਿਨ ਪਹਿਲਾਂ ਪਲੈਜ਼ਰ ਸਕੂਟਰੀ ਸਮੇਤ ਕੁਝ ਨਕਦੀ ਲੈ ਕੇ ਘਰ ਤੋਂ ਲਾਪਤਾ ਹੈ। ਜਿਸ ਦੀ ਹੁਣ ਤੱਕ ਉੱਗ ਸੁਗ ਨਹੀਂ ਮਿਲੀ । ਦੋ ਦਿਨਾਂ ਦੀ ਭਾਲ ਕਰਨ ਉਪਰੰਤ ਲਵਪ੍ਰੀਤ ਨੇ ਆਪਣੇ ਪਿਤਾ ਦੀ ਗੁੰਮਸ਼ੁਦਗੀ ਦੀ ਤਲਾਸ਼ ਬਲਾਚੌਰ ਥਾਣੇ ਵਿੱਚ ਲਿਖਾ ਦਿੱਤੀ ਗਈ ਹੈ।
