ਨਵਾਂਸ਼ਹਿਰ 27 ਅਗਸਤ (ਵਿਸ਼ੇਸ਼ ਪ੍ਰਤੀਨਿਧੀ) ਨੈਸ਼ਨਲ ਅਚੀਵਮੈਂਟ ਸਰਵੇ ਸੰਬੰਧੀ ਬਲਾਕ ਨੋਡਲ ਅਫ਼ਸਰਾਂ, ਡੀ.ਐਮ,ਬੀ.ਐਮ ਅਤੇ ਜ਼ਿਲ੍ਹਾ ਸਿੱਖਿਆ ਸੁਧਾਰ ਟੀਮ ਦੀ ਮੀਟਿੰਗ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ.ਸਿ) ਜਗਜੀਤ ਸਿੰਘ ਦੀ ਅਗਵਾਈ ਵਿਚ ਕੀਤੀ ਗਈ।ਇਸ ਮੀਟਿੰਗ ਵਿਚ ਨੈਸ਼ਨਲ ਅਚੀਵਮੈਂਟ ਸਰਵੇ ਸਬੰਧੀ ਵਿਸਥਾਰਪੂਰਵਕ ਚਰਚਾ ਕੀਤੀ ਅਤੇ ਜ਼ਿਲ੍ਹੇ ਦੀ ਮਾਈਕਰੋ ਪਲਾਨਿੰਗ ਕੀਤੀ ਅਤੇ ਅਗਲੇ ਦਿਨਾਂ ਲਈ ਰੋਡ ਮੈਪ ਤਿਆਰ ਕੀਤਾ।।ਇਸ ਮੌਕੇ ਜਗਜੀਤ ਸਿੰਘ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ.ਸਿ) ਜਗਜੀਤ ਸਿੰਘ ਨੇ ਦੱਸਿਆ ਨੈਸ਼ਨਲ ਅਚੀਵਮੈਂਟ ਸਰਵੇ ਵਿਚ ਪੰਜਾਬ ਵੱਲੋਂ ਪਹਿਲਾ ਸਥਾਨ ਪ੍ਰਾਪਤ ਕਰਨ ਲਈ ਵੱਡੇ ਪੱਧਰ ਤੇ ਤਿਆਰੀਆਂ ਕੀਤੀਆਂ ਜਾ ਰਹੀਆ ਹਨ। ਇਸ ਲਈ ਹਰ ਸਕੂਲ ਮੁਖੀ ਅਤੇ ਅਧਿਆਪਕ ਇਸ ਸਰਵੇ ਦੀ ਸਫਲਤਾ ਲਈ ਦਿਨ ਰਾਤ ਇੱਕ ਕਰਕੇ ਮਿਹਨਤ ਕਰ ਰਹੇ ਹਨ ।ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਇਸ ਸਰਵੇ ਦੀ ਤਿਆਰੀ ਦੀ ਬਲਾਕ ਪੱਧਰ ਤੇ ਸਮੂਹ ਬਲਾਕ ਨੋਡਲ ਅਫ਼ਸਰ ਅਤੇ ਬੀ.ਐਮ ਸਕੂਲ ਮੁਖੀਆਂ ਨਾਲ ਰਾਬਤਾ ਕਾਇਮ ਕਰਕੇ ਹਰ ਬੱਚੇ ਦੀ ਤਿਆਰੀ ਕਰਵਾਈ ਜਾਵੇ।।ਇਸ ਮੌਕੇ ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ.ਸਿ) ਅਮਰੀਕ ਸਿੰਘ, ਪ੍ਰਮੋਦ ਭਾਰਤੀ ਸਪੋਕਸਪਰਸਨ,ਡਾ.ਸੁਰਿੰਦਰ ਪਾਲ ਅਗਨੀਹੋਤਰੀ ਇੰਚਾਰਜ ਜ਼ਿਲ੍ਹਾ ਸਿੱਖਿਆ ਸੁਧਾਰ ਟੀਮ,ਨਰਿੰਦਰ ਕੁਮਾਰ ਵਰਮਾ ਬੀ.ਐਨ.ਓ ਔੜ, ਵਿਜੇ ਕੁਮਾਰ ਬੀ.ਐਨ.ਓ ਸੜੌਆ,ਲਖਵੀਰ ਸਿੰਘ ਬੀ.ਐਨ.ਓ ਨਵਾਂਸ਼ਹਿਰ,ਅਮਨਪੀ੍ਰਤ ਸਿੰਘ ਜੌਹਰ ਬੀ.ਐਨ.ਓ ਬੰਗਾ,ਸੁਖਵਿੰਦਰ ਕੁਮਾਰ ਬੀ.ਐਨ.ਓ ਮੁਕੰਦਪੁਰ,ਆਤਮ ਬੀਰ ਸਿੰਘ ਬੀ.ਐਨ.ਓ ਬਲਾਚੌਰ-1,ਗੁਰਪ੍ਰੀਤ ਸਿੰਘ ਬੀ.ਐਨ.ਓ ਬਲਾਚੌਰ-2, ਵਰਿੰਦਰ ਸਿੰਘ ਬੰਗਾ ਕੋਆਰਡੀਨੇਟਰ ਡੀ.ਐਮ, ਆਦਿ ਸਮੇਤ ਸਮੂਹ ਬੀ.ਐਮ ਵੀ ਹਾਜ਼ਰ ਸਨ।
