ਮਧੂਸੂਦਨ ਸ਼ਰਮਾ ਨੇ ਬਤੌਰ ਆਈ.ਜੀ. ਬੀਐਸਐਫ ਖੜਕਾਂ ਕਲਾਂ ਸਿਖਲਾਈ ਕੇਂਦਰ ਦੀ ਸੰਭਾਲੀ ਕਮਾਣ।

ਹੁਸ਼ਿਆਰਪੁਰ, 24 ਅਗਸਤ:  (ਸੁਨੀਲ ਦੜੋਚ) ਸ਼੍ਰੀ ਮਧੂਸੂਦਨ ਸ਼ਰਮਾ ਨੇ ਬਤੌਰ ਆਈ ਜੀ  ਬੀ ਐਸ ਐਫ ਸਹਾਇਕ ਸਿਖਲਾਈ ਕੇਂਦਰ, ਖੜਕਾਂ ਕਲਾਂ ਕੈਂਪ, ਹੁਸ਼ਿਆਰਪੁਰ ਦੇ ਮਹਾਂਨਿਰੀਖਕ ਵਜੋਂ ਅਹੁਦਾ ਸੰਭਾਲਿਆ। ਸਹਾਇਕ ਸਿਖਲਾਈ ਕੇਂਦਰ, ਖੜਕਾਂ ਕਲਾਂ, ਹੁਸ਼ਿਆਰਪੁਰ, ਪੰਜਾਬ, ਪੱਛਮੀ ਖੇਤਰ ਵਿੱਚ ਸਥਿਤ ਸੀਮਾ ਸੁਰੱਖਿਆ ਬਲ ਦਾ ਇੱਕ ਨੋਡਲ ਕੇਂਦਰ ਹੈ, ਜਿੱਥੇ ਔਰਤਾਂ ਨੂੰ ਦੇਸ਼ ਦੀਆਂ ਸਰਹੱਦਾਂ ਦੀ ਰੱਖਿਆ ਵਜੋਂ ਸਿਖਲਾਈ ਦਿੱਤੀ ਜਾਂਦੀ ਹੈ। ਸ੍ਰੀ ਮਦੁਸੂਦਨ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡ ਕਮਾਹੀ ਦੇਵੀ ਦੇ ਵਸਨੀਕ ਹਨ।  ਉਹਨਾਂ ਦੀ ਮੁੱਢਲੀ ਸਿੱਖਿਆ ਡੀ.ਏ.ਵੀ. ਸਕੂਲ ਦਸੂਹਾ ਤੋਂ  ਹੋਈ ਅਤੇ ਉਹ ਸਰਕਾਰੀ ਕਾਲਜ ਹੁਸ਼ਿਆਰਪੁਰ ਦੇ ਸਾਬਕਾ ਵਿਦਿਆਰਥੀ ਹਨ। ਸ਼੍ਰੀ ਮਧੂਸੂਦਨ ਸ਼ਰਮਾ ਬੀ.ਐਸ.ਐਫ. ਕਾਡਰ ਦਾ ਅਧਿਕਾਰੀ ਹਨ ਅਤੇ ਸਾਲ 1986 ਵਿੱਚ ਇੱਕ ਅਧਿਕਾਰੀ ਵਜੋਂ ਸੀਮਾ ਸੁਰੱਖਿਆ ਬਲ ਵਿੱਚ ਸ਼ਾਮਲ ਹੋਏ । ਉਹ ਸੀਮਾ ਸੁਰੱਖਿਆ ਬਲ ਦੇ ਵੱਖ ਵੱਖ ਮੁੱਖ ਦਫਤਰਾਂ ਵਿੱਚ ਮਹੱਤਵਪੂਰਨ ਅਹੁਦਿਆਂ 'ਤੇ ਰਹੇ। ਆਪਣੇ ਸ਼ਾਨਦਾਰ ਕਰੀਅਰ ਦੇ ਦੌਰਾਨ, ਉਨ੍ਹਾਂ  ਨੇ ਰਾਸ਼ਟਰੀ ਸੁਰੱਖਿਆ ਗਾਰਡ (ਐਨਐਸਜੀ) ਬਲ ਵਿੱਚ ਸੇਵਾ ਕੀਤੀ ਅਤੇ ਪ੍ਰਤਿਸ਼ਠਿਤ ਸੰਯੁਕਤ ਰਾਸ਼ਟਰ ਮਿਸ਼ਨ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕੀਤੀ। ਸਹਾਇਕ ਸਿਖਲਾਈ ਕੇਂਦਰ ਬੀ.ਐਸ.ਐਫ ਖੜਕਾਂ ਕਲਾਂ ਕੈਂਪ ਦਾ ਕਾਰਜ ਭਾਰ ਸੰਭਾਲਣ ਤੋਂ ਪਹਿਲਾਂ, ਸ਼੍ਰੀ ਮਧੂਸੂਦਨ ਇੱਕ ਬਹੁਤ ਹੀ ਸੰਵੇਦਨਸ਼ੀਲ, ਵਿਸ਼ੇਸ਼ ਆਪ੍ਰੇਸ਼ਨ ਸੀਮਾਂਤ ਓਡੀਸ਼ਾ ਦੀ ਕਮਾਂਡ ਕਰ ਰਹੇ ਸਨ, ਜਿੱਥੇ ਬਹੁਤ ਸਾਰੀਆਂ ਚੁਣੌਤੀਆਂ ਦੇ ਬਾਵਜੂਦ, ਇਸ ਸਰਹੱਦੀ ਹੈੱਡਕੁਆਰਟਰ ਦੇ ਖੇਤਰੀ ਹੈੱਡਕੁਆਰਟਰਾਂ ਅਤੇ ਕੋਰ ਨੂੰ ਆਪਣੀ ਕੁਸ਼ਲ ਅਗਵਾਈ ਪ੍ਰਦਾਨ ਕਰਕੇ, ਮਾਓਵਾਦੀਆਂ, ਨਕਸਲਵਾਦੀਆਂ ਦੇ ਵਿਰੁੱਧ ਸ਼ਲਾਘਾਯੋਗ ਪ੍ਰਾਪਤੀਆਂ ਹਾਸਲ ਕੀਤੀਆਂ।