1 ਤੋਂ 3ਅਗਸਤ ਤੱਕ ਐਸ.ਐਨ ਕਾਲਜ ਬੰਗਾ ਵਿਖੇ ਹੋਵੇਗੀ ਅਥਲੈਟਿਕਸ ਖਿਡਾਰੀਆਂ ਦੀ ਸਿਲੈਕਸ਼ਨ

ਨਵਾਂਸ਼ਹਿਰ, 1 ਅਗਸਤ: ਖੇਡ ਵਿਭਾਗ ਪੰਜਾਬ ਵਲੋਂ ਸਾਲ- 2023 ਦੌਰਾਨ ਜ਼ਿਲ੍ਹਾਂ ਸ਼ਹੀਦ
ਭਗਤ ਸਿੰਘ ਨਗਰ ਵਿਖੇ
ਬਣਾਏ ਗਏ ਖੇਲੋ ਇੰਡੀਆ ਸੈਂਟਰ ਐਸ.ਐਨ ਕਾਲਜ ਬੰਗਾ ਵਿੱਚ ਅਥਲੈਟਿਕਸ ਦੇ ਖਿਡਾਰੀਆਂ ਨੂੰ
ਦਾਖਲ ਕਰਨ ਲਈ ਸਿਲੈਕਸਨ 1 ਅਗਸਤ ਤੋਂ 3 ਅਗਸਤ 2023 ਤੱਕ ਕੀਤੀ ਜਾ ਰਹੀ ਹੈ, ਜਿਸ
ਵਿੱਚ ਵੱਖ-ਵੱਖ ਉਮਰ ਵਰਗ ਦੇ ਖਿਡਾਰੀਆਂ ਨੂੰ ਸਪੋਰਟਸ ਵਿੰਗ ਵਿੱਚ ਦਾਖਲ ਕੀਤਾ
ਜਾਵੇਗਾ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਖੇਡ ਅਫ਼ਸਰ ਵੰਦਨਾ ਚੌਹਾਨ ਨੇ ਦੱਸਿਆ
ਕਿ ਟਰਾਇਲਾਂ ਵਿੱਚ ਭਾਗ ਲੈਣ ਵਾਲੇ ਖਿਡਾਰੀ ਸਵੇਰੇ 8 ਵਜੇ ਤੱਕ ਰਿਪੋਰਟ ਕਰ ਸਕਦੇ ਹਨ।
ਉਨ੍ਹਾਂ ਦੱਸਿਆ ਟਰਾਇਲ ਦੇਣ ਆਉਣ ਵਾਲੇ ਖਿਡਾਰੀ ਆਪਣਾ ਆਧਾਰ ਕਾਰਡ, ਜਨਮ ਸਰਟੀਫਿਕੇਟ
ਅਤੇ 2 ਪਾਸਪੋਰਟਸ ਸਾਈਜ਼ ਫੋਟੋਆਂ ਨਾਲ ਲੈ ਕੇ ਆਉਣ। ਉਨ੍ਹਾਂ ਦੱਸਿਆ ਕਿ ਵਧੇਰੇ
ਜਾਣਕਾਰੀ ਲਈ ਓਵਰ ਆਲ ਇੰਨਚਾਰਜ ਜਿਲ੍ਹਾਂ ਖੇਡ ਅਫਸਰ ਮੋਬਾਇਲ ਨੰ: (8054286074 )
ਅਤੇ ਸੀਨੀਅਰ ਕੋਚ ਕਬੱਡੀ ਗਰਜੀਤ ਕੌਰ ਮੋਬਾਇਲ ਨੰਬਰ (99154-45432), ਅਥਲੈਟਿਕਸ ਕੋਚ
ਖੇਲੋ ਇੰਡੀਆ ਮਿਸ ਲਵਪ੍ਰੀਤ ਕੌਰ ਮੋਬਾਇਲ ਨੰਬਰ (78142-16849) ਅਤੇ ਅਥਲੈਟਿਕਸ ਕੋਚ
ਮਲਕੀਤ ਸਿੰਘ (83600-19477)
'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।