ਹਰਿਆਵਲ ਚੋਣ ਬੂਥ ਲੰਗੜੋਆ ਵਿਖੇ ਵੋਟਰਾਂ ਦੀ ਲੱਗੀ ਰੌਣਕ

 ਨਵਾਂਸ਼ਹਿਰ 1 ਜੂਨ - ਨਵਾਂਸ਼ਹਿਰ ਦੇ ਨਜ਼ਦੀਕੀ ਪਿੰਡ ਲੰਗੜੋਆ ਵਿਖੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੀ ਬਿਲਡਿੰਗ ਵਿਚ ਸਥਾਪਿਤ ਦੋ ਬੂਥਾਂ ਨੂੰ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਹਰਿਆਵਲ ਚੋਣ ਬੂਥ ਐਲਾਨ ਕੀਤਾ ਗਿਆ। ਲੋਕ ਸਭਾ ਚੋਣਾਂ ਦੌਰਾਨ ਪਿੰਡ ਵਾਸੀਆਂ ਬੜੇ ਉਤਸ਼ਾਹ ਨਾਲ ਆਪਣੇ ਵੋਟ ਦੇ ਹੱਕ ਦਾ ਇਸਤੇਮਾਲ ਕੀਤਾ। ਇਥੇ ਵੋਟ ਪਾਉਣ ਦੇ ਸਮੇਂ ਤੋਂ ਸ਼ੁਰੂ ਵੇਲੇ ਹੀ ਰੌਣਕ ਛਾਈ ਰਹੀ। ਲੋਕਾਂ ਵਿਚ ਉਤਸ਼ਾਹ ਦੇਖਣ ਨੂੰ ਮਿਲਿਆ ਪਿੰਡ ਦੇ ਬੀ ਐਲ ਓ ਤੇ ਵਲੰਟੀਅਰਜ਼ ਦੀ ਸੇਵਾ ਨੇ ਖਿੱਚ ਦਾ ਕੇਂਦਰ ਰਹੀ। ਜ਼ਿਆਦਾ ਉਮਰ ਦੇ ਵੋਟਰਾਂ ਨੂੰ ਵ੍ਹੀਲ ਚੇਅਰ ਦੀ ਸੇਵਾ ਮੁੱਹਈਆ ਕਰਵਾਈ ਗਈ। ਸਕੂਲ ਮੁਖੀ ਡਾਕਟਰ ਸੁਰਿੰਦਰ ਪਾਲ ਅਗਨੀਹੋਤਰੀ ਦੇ ਯਤਨ ਸਦਕਾ ਲਗਾਏ ਟੈਂਟ ਨੇ ਸਭ ਦਾ ਮਨ ਮੋਹਿਆ।ਚੋਣ ਅਧਿਕਾਰੀਆਂ ਦੀ ਆਮਦ ਨੇ ਬੂਥ ਤੇ ਚੱਲ ਰਹੀ ਕਾਰਗੁਜ਼ਾਰੀ ਤੇ ਸੰਤੁਸ਼ਟੀ ਪ੍ਰਗਟਾਈ।