ਸੀਰਤ ਸੰਧੂ ਨੂੰ ਪੜ੍ਹਾਈ ਤੋਂ ਇਲਾਵਾ, ਬਾਸਕਟਬਾਲ ਖੇਡਣਾ, ਪੇਂਟਿੰਗ ਕਰਨਾ ਅਤੇ ਕਿਤਾਬਾਂ ਪੜ੍ਹਨਾ ਪਸੰਦ ਹੈ। ਉਹ ਆਪਣੇ ਮਾਪਿਆਂ ਵਾਂਗ ਡਾਕਟਰ ਬਣਨਾ ਚਾਹੁੰਦੀ ਹੈ। ਸੀਰਤ ਦੇ ਅਨੁਸਾਰ, ਉਸਦੀ ਸਫਲਤਾ ਉਸਦੇ ਅਧਿਆਪਕਾਂ, ਮਾਪਿਆਂ ਅਤੇ ਦਾਦਾ-ਦਾਦੀ ਦੀ ਸਖ਼ਤ ਮਿਹਨਤ ਅਤੇ ਮਾਰਗਦਰਸ਼ਨ ਦਾ ਨਤੀਜਾ ਹੈ। ਉਸਦੇ ਦਾਦਾ ਜੀ ਪ੍ਰੋਫੈਸਰ ਜੀ.ਐਸ. ਸੰਧੂ ਪ੍ਰਸਿੱਧ ਸਿੱਖਿਆ ਸ਼ਾਸਤਰੀ, ਸਮਾਜ ਸੇਵਕ ਅਤੇ ਪੰਜਾਬ ਦੀ ਨਾਮਵਰ ਸ਼ਖ਼ਸੀਅਤ ਹਨ ਅਤੇ ਦਾਦੀ ਜੀ ਵੀ ਇੱਕ ਮਸ਼ਹੂਰ ਕਵੀ ਅਤੇ ਲੇਖਕ ਹਨ। ਵਰਨਣਯੋਗ ਹੈ ਕਿ ਤਿੰਨ ਸਾਲ ਪਹਿਲਾਂ, ਉਸਦੇ ਭਰਾ ਅਰਮਾਨਜੋਤ ਸਿੰਘ ਸੰਧੂ ਨੇ ਵੀ 99.6% ਅੰਕਾਂ ਨਾਲ ਜ਼ਿਲ੍ਹੇ ਵਿੱਚ ਟਾਪ ਕੀਤਾ ਸੀ ਅਤੇ ਹੁਣ ਡੀਐਮਸੀ ਲੁਧਿਆਣਾ ਵਿੱਚ ਐਮ.ਬੀ.ਬੀ.ਐਸ ਕਰ ਰਿਹਾ ਹੈ।
