ਪੰਜਾਬ ਰੋਡਵੇਜ਼ ਵੱਲੋਂ ਨਵਾਂਸ਼ਹਿਰ ਤੋਂ ਚਿੰਤਪੂਰਨੀ ਲਈ ਬੱਸ ਸੇਵਾ ਸ਼ੁਰੂ

ਨਵਾਂਸ਼ਹਿਰ, 11 ਨਵੰਬਰ : ਪੰਜਾਬ ਦੇ ਟ੍ਰਾਂਸਪੋਰਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਵੱਲੋਂ ਸ਼ਹੀਦ ਭਗਤ ਸਿੰਘ ਨਗਰ ਜ਼ਿਲ੍ਹੇ ਦੇ ਲੋਕਾਂ ਦੀ ਨਵਾਂਸ਼ਹਿਰ ਤੋਂ ਚਿੰਤਪੂਰਨੀ ਤੱਕ ਬੱਸ ਸੇਵਾ ਸ਼ੁਰੂ ਕਰਨ ਦੀ ਮੰਗ ਨੂੰ ਪ੍ਰਵਾਨ ਕਰਦਿਆਂ ਚਿੰਤਪੂਰਨੀ ਤੱਕ ਦਾ ਰੂਟ ਸ਼ੁਰੂ ਕਰਵਾ ਦਿੱਤਾ ਗਿਆ ਹੈ। ਇਹ ਜਾਣਕਾਰੀ ਦਿੰਦਿਆਂ ਜੀ ਐਮ ਰੋਡਵੇਜ਼ ਜਸਬੀਰ ਸਿੰਘ ਕੋਟਲਾ ਨੇ ਦੱਸਿਆ ਕਿ ਨਵਾਂਸ਼ਹਿਰ ਬੱਸ ਅੱਡੇ ਤੋਂ ਇਹ ਬੱਸ ਰੋਜ਼ਾਨਾ ਸਵੇਰੇ 6:40 ਵਜੇ ਰਵਾਨਾ ਹੋ ਕੇ ਵਾਇਆ ਗੜ੍ਹਸ਼ੰਕਰ ਤੋਂ ਚਿੰਤਪੂਰਨੀ ਸਵੇਰੇ 10:15 ਵਜੇ ਪੁੱਜੇਗੀ।