ਸੀਨੀਅਰ ਸੈਕੰਡਰੀ ਸਕੂਲ ਲੰਗੜੋਆ ਵਿਖੇ ਕੌਮੀ ਸੇਵਾ ਯੋਜਨਾ ਇਕਾਈ ਦੀ ਸ਼ੁਰੂਆਤ

 ਨਵਾਂਸ਼ਹਿਰ ,18 ਮਈ :ਪ੍ਰਿੰਸੀਪਲ ਸਸਸਸ ਲੰਗੜੋਆ ਡਾਕਟਰ ਸੁਰਿੰਦਰ ਪਾਲ ਅਗਨੀਹੋਤਰੀ ਦੇ ਵਿਸ਼ੇਸ਼ ਯਤਨਾਂ ਸਦਕਾ ਅੱਜ ਸੰਸਥਾ ਵਿੱਚ ਕੌਮੀ ਸੇਵਾ ਯੋਜਨਾ ਇਕਾਈ ਦੀ ਸ਼ੁਰੂਆਤ ਕੀਤੀ ਗਈ ਹੈ।ਜਿਸ ਵਿਚ ਸਕੂਲ ਦੇ ਸੀਨੀਅਰ  ਵਿਦਿਆਰਥੀਆਂ ਵਲੋਂ ਅਨੁਸ਼ਾਸਨ ਵਿਚ ਰਹਿ ਕੇ ਸਮੁੱਚੇ ਸਕੂਲ ਕੈਂਪਸ ਦੀ ਸਾਫ ਸਫਾਈ ਕੀਤੀ।ਟੀਮ ਇੰਚਾਰਜ ਮਾਸਟਰ ਸੁਖਵਿੰਦਰ ਲਾਲ ਡਿਊਟੀ ਅਫਸਰ ਦੀ ਨਿਗਰਾਨੀ ਹੇਠ ਬੱਚਿਆਂ ਵਲੋਂ ਸਕੂਲ ਦੇ ਕਮਰਿਆਂ ਦੀ ਸਫਾਈ ਕੀਤੀ ਤੇ ਬਗੀਚੀ ਵਿਚ ਵਾਧੂ ਘਾਹ ਬੂਟੀ ਨੂੰ ਖ਼ਤਮ ਕੀਤਾ।ਇਸ ਵਿਚ ਬਾਰਵੀਂ ਜਮਾਤ ਦੇ ਕਰੀਬ ਸੱਠ ਲੜਕਿਆਂ ਵਲੋਂ ਇਸ ਕੈਂਪ ਵਿੱਚ ਭਾਗ ਲਿਆ ਗਿਆ। ਸੰਸਥਾ ਦੇ ਮੁਖੀ ਡਾਕਟਰ ਸੁਰਿੰਦਰ ਪਾਲ ਅਗਨੀਹੋਤਰੀ ਵਲੋਂ ਦਸਿਆ ਗਿਆ ਕਿ ਸੰਸਥਾ ਵਲੋਂ ਸੰਬਧਿਤ ਵਿਭਾਗ ਤੋਂ ਇਸ ਇਕਾਈ ਦੀ ਮੰਗ ਕੀਤੀ ਗਈ ਸੀ ਜਿਸ ਤਹਿਤ ਸਹਾਇਕ ਡਾਇਰੈਕਟਰ ਯੁਵਕ ਸੇਵਾਵਾਂ ਐਸ ਬੀ ਐੱਸ ਨਗਰ ਵਲੋਂ ਇਸ ਇਕਾਈ ਨੂੰ ਚਾਲੂ ਕਰਨ ਲਈ ਪੱਤਰ ਜਾਰੀ ਕਰ ਦਿੱਤਾ ਹੈ। ਮੁਖੀ ਵਲੋਂ ਬੱਚਿਆਂ ਵਲੋਂ ਨਿਭਾਈ ਇਸ ਡਿਊਟੀ ਦੀ ਸ਼ਲਾਘਾ ਕੀਤੀ ਤੇ ਉਹਨਾਂ ਦੀ ਹੌਂਸਲਾ ਅਫ਼ਜਾਈ ਕਰਦਿਆਂ ਫ਼ਲਾਂ ਦੀ ਵੰਡ ਕੀਤੀ ਗਈ। ਇਸ ਦੌਰਾਨ ਸਰਬਜੀਤ ਸਿੰਘ, ਮਨਮੋਹਨ ਸਿੰਘ, ਸੁਸ਼ੀਲ ਕੁਮਾਰ, ਹਰਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ, ਮੀਨਾ ਰਾਣੀ, ਬਲਦੀਪ ਸਿੰਘ ਤੇ ਸੰਸਥਾ ਦੇ ਸੇਵਾ ਮੁਕਤ ਮਾਲੀ ਰਾਮ ਫੇਰ ਪਾਲ ਹਾਜ਼ਰ ਸਨ।