ਸਟੇਟ ਐਵਾਰਡੀ ਮਾਸਟਰ ਪਰਵਿੰਦਰ ਸਿੰਘ ਵੱਲੋਂ ਸਰਕਾਰੀ ਡਿਸਪੈਂਸਰੀ ਬਘੌਰਾ ਨੂੰ ਆਰ.ਓ. ਭੇਂਟ

 ਨਵਾਂਸ਼ਹਿਰ,09 ਮਈ :-  ਇੱਕ ਚੰਗੇ ਸਮਾਜ ਦੀ ਸਿਰਜਣਾ ਲਈ ਚੰਗੇ ਕੰਮ ਕਰਨੇ ਬਹੁਤ ਜ਼ਰੂਰੀ ਹਨ । ਆਪਣੀ ਕਿਰਤ ਕਮਾਈ ਵਿਚੋਂ ਲੋਕ ਭਲਾਈ ਲਈ ਕੰਮ ਕਰਦੇ ਰਹਿਣਾ ਚਾਹੀਦਾ ਹੈ।ਇਸੇ ਤਰ੍ਹਾਂ ਅੱਜ ਪਿੰਡ ਭਗੌਰਾਂ ਦੇ ਸਰਕਾਰੀ ਸਿਹਤ ਅਤੇ ਤੰਦਰੁਸਤੀ ਕੇਂਦਰ( ਸਰਕਾਰੀ ਡਿਸਪੈਂਸਰੀ) ਵਿਚ ਉੱਘੇ ਸਮਾਜ ਸੇਵਕ ਸਟੇਟ ਐਵਾਰਡੀ ਮਾਸਟਰ ਪਰਵਿੰਦਰ ਸਿੰਘ ਦੇ ਪਰਿਵਾਰ ਵੱਲੋਂ ਸਰਕਾਰੀ ਡਿਸਪੈਂਸਰੀ ਵਿਚ ਆਉਣ ਵਾਲੇ ਲੋਕਾਂ ਲਈ ਸਾਫ਼ ਪਾਣੀ ਪੀਣ ਲਈ R O ਪਾਣੀ ਫਿਲਟਰ ਦੀ ਸੇਵਾ ਕੀਤੀ ਗਈ। ਇਸ ਤੇ ਸਿਹਤ ਅਧਿਕਾਰੀ  ਘਨ ਸ਼ਾਮ ਨੇ ਦੱਸਿਆ ਕਿ ਸਟੇਟ ਐਵਾਰਡੀ ਮਾਸਟਰ ਪਰਵਿੰਦਰ ਸਿੰਘ ਵੱਲੋਂ ਪਹਿਲਾਂ ਵੀ ਗਰੀਬ ਮਰੀਜ਼ਾਂ ਦੀ ਮਦਦ ਕੀਤੀ ਜਾਂਦੀ ਰਹੀ ਹੈ। ਸੀ.ਐਚ.ਓ.  ਗੁਰਪ੍ਰੀਤ ਸਿੰਘ ਵੱਲੋਂ ਇਸ ਸ਼ਲਾਘਾਯੋਗ ਕਦਮ ਲਈ ਮਾਸਟਰ ਪਰਵਿੰਦਰ ਸਿੰਘ  ਦੇ ਸਮੁੱਚੇ ਪਰਿਵਾਰ ਦਾ ਧੰਨਵਾਦ ਕੀਤਾ ਗਿਆ। ਇਸ ਤੋਂ ਬਾਅਦ ਉੱਘੇ ਸਮਾਜ ਸੇਵਕ ਸਟੇਟ ਐਵਾਰਡੀ ਮਾਸਟਰ ਪਰਵਿੰਦਰ ਸਿੰਘ ਵੱਲੋਂ ਕਿਹਾ ਗਿਆ ਕਿ ਪਰਮਾਤਮਾ ਉਨ੍ਹਾਂ ਤੇ ਅਤੇ ਉਹਨਾਂ ਦੇ ਪਰਿਵਾਰ ਉਤੇ ਆਪਣਾ ਮੇਹਰ ਭਰਿਆ ਹੱਥ ਸਦਾ ਬਣਾਈ ਰੱਖਣ। ਉਹ ਹਮੇਸ਼ਾਂ ਹੀ ਸਮਾਜ ਦੇ ਚੰਗੇ ਕੰਮਾਂ ਲਈ ਆਪਣਾ ਯੋਗਦਾਨ ਪਾਉਂਦੇ ਰਹਿਣਗੇ। ਸਰਕਾਰੀ ਸਿਹਤ ਅਤੇ ਤੰਦਰੁਸਤੀ ਕੇਂਦਰ ਭਗੌਰਾਂ ਦੇ ਸਮੂਹ ਸਟਾਫ ਵੱਲੋਂ ਸਟੇਟ ਪਰਿਵਾਰ ਦਾ ਧੰਨਵਾਦ ਕੀਤਾ ਗਿਆ। ਇਸ ਸਮੇਂ ਪਿੰਡ ਦੀ ਆਸ਼ਾ ਵਰਕਰ  ਰਾਜ਼ ਰਾਣੀ,ਸੀਤਾ ਦੇਵੀ, ਦਰਸ਼ਨ ਕੌਰ, ਜੀਵਨ ਜੌਤੀ,ਕਮਲਾ ਦੇਵੀ, ਅਤੇ ਪਿੰਡ ਦੇ ਪੰਤਵੰਤੇ ਵਿਅਕਤੀਆਂ ਵੱਲੋਂ ਵੀ ਇਸ ਚੰਗੇ ਕੰਮ ਲਈ  ਪਰਿਵਾਰ ਦਾ ਧੰਨਵਾਦ ਕੀਤਾ ਗਿਆ।