ਨਵਾਂਸ਼ਹਿਰ 8 ਅਪ੍ਰੈਲ:- ਅੱਜ ਸਾਨੂੰ ਆਪਣੇ ਸੰਵਿਧਾਨਕ ਹੱਕਾਂ ਬਾਰੇ ਜਾਗਰੂਕ ਹੋਣਾ ਬਹੁਤ ਜਰੂਰੀ ਹੈ । ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਪਾਵਰ ਆਫ਼ ਸੋਸਲ ਯੂਨਿਟੀ (ਪੋਸੋ ) ਦੇ ਸੂਬਾ ਪ੍ਰਧਾਨ ਫਕੀਰ ਚੰਦ ਜੱਸਲ ਨੇ ਕੀਤਾ। ਉਹ ਅੱਜ ਨਵਾਂਸ਼ਹਿਰ ਵਿਖੇ 'ਅਣਖ ਜਗਾਓ ਅਜਾਦੀ ਪਾਓ 'ਯਾਤਰਾ ਲੈ ਕੇ ਪਹੁੰਚੇ ਸਨ । ਉਨ੍ਹਾਂ ਕਿਹਾ ਕਿ ਸਮਾਜਿਕ ਨਿਆ ਤੇ ਦੱਬੇ ਕੁਚੱਲੇ ਅਨਸੂਚਿਤ ਸਮਾਜ ਲਈ ਬਰਾਬਰੀ ਦੇ ਹੱਕਾਂ ਲਈ ਉਨ੍ਹਾਂ ਦੀ ਜਥੇਬੰਦੀ ਵੱਲੋਂ ਕਰੀਬ ਦੋ ਮਹੀਨੇ ਪਹਿਲਾ ਆਦਿ ਧਰਮ ਮਿਸਨ ਦੇ ਬਾਨੀ ਬਾਬੂ ਮੰਗੂ ਰਾਮ ਦੇ ਪਿੰਡ ਮੁੱਗੋਵਾਲ ਤੋ ਸੁਰੂ ਕੀਤੀ ਸੀ । ਉਨ੍ਹਾਂ ਕਿਹਾ ਕਿ ਉਨ੍ਹਾ ਦਾ ਮੁੱਖ ਮਕਸਦ ਦੱਬੇ ਕੁਚੱਲੇ ਲੋਕਾਂ ਨੂੰ ਇਕ ਪਲੇਟ ਫਾਰਮ ਇਕੱਠੇ ਕਰਕੇ ਆਪਣੇ ਹੱਕਾਂ ਦੀ ਆਵਾਜ ਨੂੰ ਬੁਲੰਦ ਕਰਨਾ ਹੈ। ਉਨ੍ਹਾ ਕਿਹਾ ਕਿ ਸਮਾਜ ਵਿਚ ਬਾਬਾ ਸਾਹਿਬ ਡਾਕਟਰ ਅੰਬੇਡਕਰ ਨੇ ਸਾਰਿਆਂ ਨੂੰ ਸੰਵਿਧਾਨ ਵਿਚ ਬਰਾਬਰ ਦੇ ਹੱਕ ਦਿੱਤੇ ਸਨ ਪਰ ਅੱਜ ਵੀ ਸਮਾਜ ਵਿਚ ਵੱਡੇ ਬਦਲਾਅ ਦੀ ਜਰੂਰਤ ਹੈ । ਇਸ ਮੌਕੇ ਇੰਜੀਨੀਅਰ ਕਮਲਜੀਤ ਮਹੇ ,ਇੰਜੀਨੀਅਰ ਬੂਟਾ ਸਿੰਘ ਅਟਾਲਾ , ਇੰਜੀਨੀਅਰ ਰਾਮ ਆਸਰਾ ਵੀ ਹਾਜਰ ਸਨ ।
