ਅਸਿਸਟੈਂਟ ਡਾਇਰੈਕਟਰ ਸਪੋਰਟਸ ਅਥਾਰਟੀ ਆਫ ਇੰਡੀਆਂ ਜੀਰਕਪੁਰ ਪੰਜਾਬ ਨੇ ਪਿੰਡ ਭੰਗਲ ਕਲਾਂ ਵਿਖੇ ਖੇਲੋ ਇੰਡੀਆ ਮਲਟੀਪਰਪਜ ਇੰਨਡੋਰ ਸਟੇਡੀਅਮ ਦਾ ਕੀਤਾ ਦੌਰਾ

 
 ਨਵਾਂਸ਼ਹਿਰ, 23 ਨਵੰਬਰ :-    ਅਸਿਸਟੈਂਟ ਡਾਇਰੈਕਟਰ ਸਪੋਰਟਸ ਅਥਾਰਟੀ ਆਫ ਇੰਡੀਆ ਜੀਰਕਪੁਰ ਪੰਜਾਬ ਪੁਸ਼ਕਰ ਸਿੰਘ, ਜੇ.ਸੀ. ਇਨਫਰਾਸਪੋਰਟਸ ਅਥਾਰਟੀ ਆਫ ਇੰਡੀਆ ਅੰਕਿਤ ਕੁਮਾਰ ਅਤੇ ਕਾਰਜਕਾਰੀ ਇੰਜੀਨੀਅਰ ਪੰਜਾਬ ਸਟੇਟ ਸਪੋਰਟਸ ਕੌਸਲ ਸੰਜੇ ਮਹਾਜਨ ਵੱਲੋਂ ਪਿੰਡ ਭੰਗਲ ਕਲਾਂ ਵਿਖੇ ਬਣੇ ਖੇਲੋ ਇੰਡੀਆ ਮਲਟੀਪਰਪਜ ਇੰਨਡੋਰ ਸਟੇਡੀਅਮ ਦਾ ਦੌਰਾ ਕੀਤਾ ਗਿਆ। ਇਹ ਜਾਣਕਾਰੀ ਜ਼ਿਲ੍ਹਾ ਖੇਡ ਅਫਸਰ ਵੰਦਨਾਂ ਚੌਹਾਨ ਨੇ ਦਿੰਦਿਆ ਦੱਸਿਆ ਕਿ ਖੇਲੋ ਇੰਡੀਆ ਮਲਟੀਪਰਪਜ ਇੰਨਡੋਰ ਸਟੇਡੀਅਮ ਬਣਕੇ ਤਿਆਰ ਹੋ ਗਿਆ ਹੈ ਅਤੇ ਇਸ ਸਟੇਡੀਅਮ  ਨੂੰ ਹੈਂਡਓਵਰ ਕਰ ਲਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਇੰਨਡੋਰ ਸਟੇਡੀਅਮ ਵਿੱਚ ਬਹੁਤ ਹੀ ਜਲਦ ਵੱਖ-ਵੱਖ ਖੇਡਾਂ ਜਿਵੇਂ ਸ਼ੂਟਿੰਗ, ਟੇਬਲ ਟੈਨਿਸ, ਸ਼ੁਕੈਸ਼, ਬਾਸਕਿਟਬਾਲ, ਬੈਡਮਿੰਟਨ ਅਤੇ ਹਾਈਟੈਕ ਜਿੰਮ ਆਦਿ ਖੇਡਾਂ ਸ਼ੂਰੁ ਕਰ ਦਿੱਤੀਆ ਜਾਣਗੀਆਂ।