28 ਜੁਲਾਈ ਨੂੰ ਪਠਾਨਕੋਟ ਛਾਉਣੀ ਤੋ ਚੱਲੇਗੀ ਰੇਲਗੱਡੀ
ਅੰਮ੍ਰਿਤਸਰ 9 ਜੁਲਾਈ: ਭਾਰਤੀ ਸੱਭਿਆਚਾਰ ਅਤੇ ਵਿਸ਼ਾਲ ਵਿਰਾਸਤ ਨੂੰ ਉਜਾਗਰ ਕਰਨ ਅਤੇ ਟੂਰਿਜਮ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਰੇਲਵੇ ਨੇ 13 ਦਿਨਾਂ ਲਈ “ਭਾਰਤ ਗੌਰਵ” ਯਾਤਰੀ ਰੇਲਗੱਡੀ 28 ਜੁਲਾਈ ਨੂੰ ਪਠਾਨਕੋਟ ਛਾਉਣੀ ਤੋ ਚੱਲੇਗੀ ਅਤੇ ਇਹ ਰੇਲਗੱਡੀ ਦੱਖਣੀ ਭਾਰਤ ਦੇ ਦੇ ਮਹੱਤਵਪੂਰਨ ਧਾਰਮਿਕ ਸਥਾਨਾਂ ਜਿਵੇ ਤਿਰੁਪਤੀ, ਰਾਮੇਸ਼ਵਰਮ, ਮਦੁਰਾਈ, ਕੰਨਿਆਕੁਮਾਰੀ ਅਤੇ ਮਲਕਪੁਰ ਵਿਖੇ ਸਥਿਤ ਧਾਰਮਿਕ ਸਥਾਨਾਂ ਦੀ ਯਾਤਰਾ ਕਰਵਾਏਗੀ । ਆਈਆਰਸੀਟੀਸੀ ਅਨੁਸਾਰ ਇਹ ਯਾਤਰੀ ਰੇਲਗੱਡੀ ਉੱਤਰੀ ਭਾਰਤ ਨੂੰ ਦੱਖਣੀ ਭਾਰਤ ਦੇ ਧਾਰਮਿਕ ਅਤੇ ਸਭਿਆਚਾਰਕ ਮਹੱਤਵ ਨੂੰ ਸਮਝਣ ਦਾ ਮੌਕੇ ਮਿਲੇਗਾ ਅਤੇ ਦੱਖਣ ਭਾਰਤ ਯਾਤਰਾ ਨਾਮਕ ਇਹ ਯਾਤਰਾ 13 ਦਿਨਾਂ ਦੀ ਹੋਵੇਗੀ,ਜਿਸ ਦੀ ਸ਼ੁਰੂਆਤ 28 ਜੁਲਾਈ ਨੂੰ ਪਠਾਨਕੋਟ ਛਾਉਣੀ ਦੇ ਰੇਲਵੇ ਸਂਟੇਸ਼ਨ ਤੋ ਹੋਵੇਗੀ ਤੇ 9 ਅਗਸਤ ਨੂੰ ਇਹ ਟਰੇਨ ਵਾਪਸ ਆਵੇਗੀ। ਇਹ ਯਾਤਰਾ ਕੁਲ 12 ਰਾਤਾਂ ਅਤੇ 13 ਦਿਨਾਂ ਦੀ ਹੋਵੇਗੀ।
ਰੇਲਵੇ ਦੇ ਬੁਲਾਰੇ ਨੇ ਦੱਸਿਆ ਕਿ ਇਸ ਰੇਲਗੱਡੀ ਵਿਚ ਸਲੀਪਰ ਕਲਾਸ ਇਕੋਨਮੀ ਦੀਆਂ 640 ਸੀਟਾਂ ਹੋਣਗੀਆਂ ਅਤੇ ਪ੍ਰਤੀ ਵਿਅਕਤੀ ਦਾ ਕਿਰਾਇਆ 30135/-ਰੁਪਏ, 3 ਏ.ਸੀ ਸਟੈਡਰਡ ਵਿਚ ਕੁਲ 70 ਸੀਟਾਂ ਅਤੇ ਪ੍ਰਤੀ ਵਿਅਕਤੀ ਕਿਰਾਇਆ43370/-ਰੁਪਏ ਅਤੇ 2 ਏ.ਸੀ ਕਮਫਰਟ ਦੀਆਂ ਕੁਲ 50 ਸੀਟਾਂ ਅਤੇ ਪ੍ਰਤੀ ਵਿਅਕਤੀ ਕਿਰਾਇਆ 57470/- ਰੁਪਏ ਹੋਵੇਗਾ। ਬੁਲਾਰੇ ਨੇ ਦੱਸਿਆ ਕਿ ਇਸ ਕਿਰਾਏ ਵਿਚ ਚਾਹ,ਨਾਸ਼ਤਾ,ਦੁਪਿਹਰ ਦਾ ਭੋਜਣ,ਰਾਤ ਦਾ ਖਾਣਾ ਤੋ ਇਲਾਵਾ ਰਹਿਣ ਸਹਿਣ ਅਤੇ ਟਰਾਂਸਪੋਰਟ ਦਾ ਖਰ਼ਚਾ ਵੀ ਸ਼ਾਮਲ ਹੈ।
ਬੁਲਾਰੇ ਨੇ ਦੱਸਿਆ ਕਿ ਜੋ ਯਾਤਰੂ ਇਸ ਰੇਲਗੱਡੀ ਵਿਚ ਆਪਣੀ ਸੀਟ ਕੰਨਫਰਮ ਕਰਵਾਉਣਾ ਚਾਹੁੰਦੇ ਹਨ,ਉਹ ਰੇਲਵੇ ਦੀ ਅਧਿਕਾਰਤ ਵੈਬਸਾਈਟ ਜਾਂ ਰੇਲਵੇ ਸਟੇਸ਼ਨ ਤੋ ਆਪਣੀ ਟਿਕਟ ਬੁੱਕ ਕਰਵਾ ਸਕਦੇ ਹਨ। ਉਨਾਂ ਦੱਸਿਆ ਕਿ ਇਸ ਟੂਰ ਵਿੱਚ ਪਠਾਨਕੋਟ ਛਾਉਣੀ, ਜਲੰਧਰ ਸਿਟੀ, ਲੁਧਿਆਣਾ, ਚੰਡੀਗੜ੍ਹ, ਅੰਬਾਲਾ ਛਾਉਣੀ, ਕੁਰੂਕਸ਼ੇਤਰ, ਕਰਨਾਲ, ਪਾਣੀਪਤ, ਸੋਨੀਪਤ, ਹਜ਼ਰਤ ਨਿਜ਼ਾਮੁਦੀਨ, ਮਥੁਰਾ, ਆਗਰਾ ਛਾਵਣੀ ਅਤੇ ਗਵਾਲੀਅਰ ਸਮੇਤ ਕਈ ਬੋਰਡਿੰਗ ਅਤੇ ਡੀਬੋਰਡਿੰਗ ਪੁਆਇੰਟ ਸ਼ਾਮਲ ਹਨ।
