ਨਾਇਬ ਤਹਿਸੀਲਦਾਰ ਭੀਮ ਸੈਨ ਨੇ ਲਿਆ ਸਬ ਰਜਿਸਟਰਾਰ -ਟੂ ਦਾ ਚਾਰਜ
ਹੁਸ਼ਿਆਰਪੁਰ 23 ਜੁਲਾਈ (ਪਰਸ਼ੋਤਮ ਲਾਲ ਦੜੋਚ) ਬੀਤੇ ਦਿਨੀ ਪੰਜਾਬ ਸਰਕਾਰ ਵੱਲੋਂ 16 ਨਾਇਬ ਤਹਿਸੀਲਦਾਰਾ ਦੀ ਬਦਲੀਆਂ ਕੀਤੀਆਂ ਗਈਆ ਸਨ। ਜਿਨ੍ਹਾਂ ਵਿੱਚ ਭੀਮ ਸੈਨ ਨਾਇਬ ਤਹਿਸੀਲਦਾਰ ਨੂੰ ਸਬ ਰਜਿਸਟਰਾਰ-ਟੂ ਹੁਸ਼ਿਆਰਪੁਰ ਲਗਾਇਆ ਗਿਆ ਹੈ। ਨਾਇਬ ਤਹਿਸੀਲਦਾਰ ਭੀਮ ਸੈਨ ਨੇ ਤਹਿਸੀਲ ਹੁਸ਼ਿਆਰਪੁਰ ਵਿਖੇ ਸਬ ਰਜਿਸਟਰਾਰ ਟੂ ਦਾ ਚਾਰਜ ਸੰਭਾਲਿਆ।ਇਸ ਉਪਰੰਤ ਉਹਨਾ ਕਿਹਾ ਕਿ ਸਰਕਾਰ ਵੱਲੋਂ ਮਿਲੀ ਜਿੰਮੇਵਾਰੀ ਨੂੰ ਉਹ ਪੂਰੀ ਤਨਦੇਹੀ ਤੇ ਇਮਾਨਦਾਰੀ ਨਾਲ ਨਿਭਾਉਣਗੇ, ਮਾਲ ਵਿਭਾਗ ਦੇ ਕੰਮ ਹਰ ਇੱਕ ਲਈ ਬਿਨ੍ਹਾ ਕਿਸੇ ਦੇਰੀ ਤੇ ਬਿਨ੍ਹਾਂ ਭੇਦਭਾਵ ਦੇ ਪਹਿਲ ਦੇ ਅਧਾਰ ਤੇ ਕਰਨਗੇ। ਫਿਰ ਜੇਕਰ ਕਿਸੇ ਨੂੰ ਕੋਈ ਮੁਸ਼ਕਲ ਪੇਸ਼ ਆਵੇ ਤਾ ਬੇਝਿਜਕ ਉਹਨਾ ਨਾਲ ਦਫਤਰ ਵਿੱਚ ਸੰਪਰਕ ਕੀਤਾ ਜਾਵੇ। ਵਰਨਣਯੋਗ ਹੈ ਕਿ ਉਹਨਾ ਮਹਿਕਮਾ ਮਾਲ ਵਿੱਚ 2003 ਵਿੱਚ ਬਤੌਰ ਪਟਵਾਰੀ ਪ੍ਰਵੇਸ਼ ਕੀਤਾ ਤੇ 2011 ਵਿੱਚ ਕਾਨੂਗੋ ਪ੍ਰਮੋਟ ਹੋਏ। ਪਹਿਲੀ ਵਾਰ ਤਰੱਕੀ ਉਪਰੰਤ ਧਾਰ ਕਲਾ ਬਤੌਰ ਨਾਇਬ ਤਹਿਸੀਲਦਾਰ ਜੁਆਇਨ ਕੀਤਾ ਸੀ। ਉਹ ਮਾਨਸਾ, ਨਾਭਾ, ਰਾਮਪੁਰਾ ਫੂਲ, ਮੌੜ, ਪਾਤੜਾ, ਬਾਗਾਪੁਰਾਣਾ ਵਿਖੇ ਨਾਇਬ ਤਹਿਸੀਲਦਾਰ ਵੱਜੋ ਆਪਣੀਆਂ ਸੇਵਾਵਾਂ ਬਾਖੂਬੀ ਨਿਭਾ ਚੁੱਕੇ ਹਨ।
