ਮੈਡਮ ਨੀਤੂ ਸ਼ਰਮਾ ਦੀ ਨਿਰਦੇਸ਼ਨਾ ਵਿਚ ਹੋਣ ਵਾਲੇ ਪੰਜਾਬੀ ਨਾਟਕ ਰਾਮ ਮੁਹੰਮਦ ਸਿੰਘ ਅਜ਼ਾਦ ਦੀਆਂ ਤਿਆਰੀਆਂ ਮੁਕੰਮਲ

ਮੈਡਮ ਨੀਤੂ ਸ਼ਰਮਾ ਦੀ ਨਿਰਦੇਸ਼ਨਾ ਵਿਚ ਹੋਣ ਵਾਲੇ ਪੰਜਾਬੀ ਨਾਟਕ  ਰਾਮ ਮੁਹੰਮਦ ਸਿੰਘ ਅਜ਼ਾਦ ਦੀਆਂ ਤਿਆਰੀਆਂ ਮੁਕੰਮਲ 

 ਮਾਂਟਰੀਅਲ 25 ਜੁਲਾਈ - ਮਾਂਟਰੀਅਲ ਵਿੱਚ ਪਹਿਲੀ ਵਾਰ ਇਮੀਗ੍ਰੈਂਟ ਵਰਕਰਜ਼ ਸੈਂਟਰ (IWC) ਸਹਿਯੋਗ ਨਾਲ ਆਰਟਸ ਇਨ ਦ ਮਾਰਜਿਨਜ਼ ਬਿਊਰੋ ਡਿ ਇਨਫੋਰਮੇਸ਼ਨ ਡਿ ਪਾਰਕ-ਐਕਸਟੈਂਸ਼ਨ (BIPE) ਪਾਰਕ-ਐਕਸਟੈਂਸ਼ਨ ਐਕਸ਼ਨ ਕਮੇਟੀ (CAPE) ਸਾਊਥ ਏਸ਼ੀਅਨ ਡਾਇਸਪੋਰਾ ਐਕਸ਼ਨ ਕਲੈਕਟਿਵ (SADAC) ਸੈਂਟਰ ਫਾਰ ਪਰਫਾਰਮਿੰਗ ਆਰਟਸ ਵੱਲੋਂ ਇਤਿਹਾਸਕ ਇਨਕਲਾਬੀ ਪੰਜਾਬੀ ਨਾਟਕ ਰਾਮ ਮੁਹੰਮਦ ਸਿੰਘ ਆਜ਼ਾਦ (ਆਜ਼ਾਦੀ ਦੀ ਰੂਹ) ਜੋ ਮੈਡਮ ਨੀਤੂ ਸ਼ਰਮਾ ਦੀ ਨਿਰਦੇਸ਼ਨਾ ਹੇਠ 26 ਜੁਲਾਈ ਨੂੰ ਮਾਂਟਰੀਅਲ ਵਿਖੇ ਹੋਵੇਗਾ ਦੀਆਂ ਤਿਆਰੀਆਂ ਮੁਕੰਮਲ ਹੋਣ ਦਾ ਸਮਾਚਾਰ ਹੈ  । 

      ਇਸ ਬਾਰੇ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਨਿਰਦੇਸ਼ਕ ਨੀਤੂ ਸ਼ਰਮਾ ਦੱਸਿਆ ਕਿ 75 ਮਿੰਟ ਦੇ ਇਸ ਪੰਜਾਬੀ ਨਾਟਕ ਦੀ ਅਦਾਕਾਰਾਂ ਵੱਲੋਂ ਮਨਮੋਹਕ ਪੇਸ਼ਕਾਰੀ ਕੀਤੀ ਜਾਵੇਗੀ । 

ਉਹਨਾਂ ਕਿਹਾ ਕਿ ਆਜ਼ਾਦੀ ਸੰਗਰਾਮ ਦੇ ਪ੍ਰਮੁੱਖ ਨਾਇਕ ਸ਼ਹੀਦ ਊਧਮ ਸਿੰਘ 'ਤੇ ਅਧਾਰਿਤ ਨਾਟਕ ਰਾਮ ਮੁਹੰਮਦ ਸਿੰਘ ਆਜ਼ਾਦ ਦੀ ਪੇਸ਼ਕਾਰੀ ਆਜ਼ਾਦੀ ਦੀ ਰੂਹ ਇੱਕ ਦਿਲ ਛੂਹਣ ਵਾਲੀ ਹੈ ਜੋ ਸ਼ਹੀਦ ਊਧਮ ਸਿੰਘ ਦੀ ਵਿਰਾਸਤ ਨੂੰ ਜਿੰਦਾ ਕਰਦੀ ਹੈ। ਊਧਮ ਸਿੰਘ ਭਾਰਤ ਦੇ ਇਤਿਹਾਸ ਦੇ ਸਭ ਤੋਂ ਬਹਾਦੁਰ ਤੇ ਪ੍ਰਮੁੱਖ ਦੇਸ਼ ਭਗਤ ਸਨ, ਜਿਹਨਾਂ ਨੇ ਦੇਸ਼ ਦੀ ਅਜ਼ਾਦੀ ਲਈ ਆਪਣੀਆਂ ਜਾਨਾਂ ਨਿਸ਼ਾਵਰ ਕਰ ਦਿੱਤੀਆਂ। ਆਪ 26 ਦਸੰਬਰ 1899 ਨੂੰ ਸ਼ੇਰ ਸਿੰਘ ਵਜੋਂ ਜਨਮੇ, ਉਹ ਜਲਿਆਂਵਾਲਾ ਬਾਗ ਹੱਤਿਆਕਾਂਡ  ਜਿੱਥੇ 13 ਅਪ੍ਰੈਲ 1919 ਨੂੰ ਵਿਸਾਖੀ ਦੇ ਮੇਲੇ ਦੌਰਾਨ ਬ੍ਰਿਟਿਸ਼ ਫੌਜਾਂ ਨੇ 1500 ਤੋਂ ਵੱਧ ਨਿਰਦੋਸ਼ ਲੋਕਾਂ ‘ਤੇ ਗੋਲੀਆਂ ਚਲਾਈਆਂ। ਇਹ ਦਰਦਨਾਕ ਘਟਨਾ ਉਸਦੀ ਜ਼ਿੰਦਗੀ ਦਾ ਮੋੜ ਬਣੀ। ਦੋ ਦਹਾਕਿਆਂ ਤੱਕ ਇਨਕਲਾਬੀ ਸੰਘਰਸ਼ ਕਰਨ ਤੋਂ ਬਾਅਦ ਸ. ਊਧਮ ਸਿੰਘ ਨੇ ਮਾਈਕਲ ਓਡਵਾਇਰ ਨੂੰ ਮਾਰ ਦਿੱਤਾ । ਉਹਨਾਂ ਨੇ ਆਪਣਾ ਨਾਮ “ਰਾਮ ਮੁਹੰਮਦ ਸਿੰਘ ਆਜ਼ਾਦ” ਰੱਖਿਆ ਜੋ ਭਾਰਤ ਦੇ ਤਿੰਨ ਮੁੱਖ ਧਰਮਾਂ ਨੂੰ ਇਕਤ੍ਰਿਤ ਕਰਨ ਦੀ ਸੋਚ ਨੂੰ ਦਰਸਾਉਂਦਾ ਸੀ । ਉਹਨਾਂ ਕਿਹਾ ਸੀ ਕਿ, “ਮੈਂ ਇਹ ਕੀਤਾ ਕਿਉਂਕਿ ਮੈਨੂੰ ਉਸ ਤੋਂ ਨਫ਼ਰਤ ਸੀ। ਉਹ ਹੀ ਅਸਲ ਦੋਸ਼ੀ ਸੀ। ਮੈਂ ਆਪਣੇ ਲੋਕਾਂ ਨੂੰ ਭੁੱਖ ਨਾਲ ਮਰਦਾ ਦੇਖਿਆ ਹੈ। ਇਹ ਮੇਰਾ ਫਰਜ਼ ਸੀ।

 

  ਇਹ ਨਾਟਕ ਰਾਮ ਮੁਹੰਮਦ ਸਿੰਘ ਆਜ਼ਾਦ (ਆਜ਼ਾਦੀ ਦੀ ਰੂਹ) ਉਹਨਾਂ ਦੀ ਸ਼ਹਾਦਤ, ਕੁਰਬਾਨੀ ਅਤੇ ਇਨਸਾਫ਼ ਲਈ ਸੋਚ ਨੂੰ ਭਾਵੁਕ ਅੰਦਾਜ਼ ’ਚ ਭੰਗੜੇ ਅਤੇ ਲੋਕ ਗੀਤਾਂ ਦੇ ਨਾਲ ਪੇਸ਼ ਕਰਦਾ ਹੈ । ਇਸ ਤੋਂ ਇਲਾਵਾ ਇਹ ਨਾਟਕ ਭਾਈਚਾਰਕ ਏਕਤਾ ਨੂੰ ਵੀ ਪੇਸ਼ ਕਰਦਾ ਹੈ।   

 

  ਵਰਣਨਯੋਗ ਹੈ  ਨਾਟਕ ਦੇ ਨਿਰਦੇਸ਼ਨ ਨੀਤੂ ਸ਼ਰਮਾ ਅਤੇ ਗੌਰਵ ਸ਼ਰਮਾ ਮਾਂਟਰੀਅਲ ਅਧਾਰਤ ਨਾਟਕਕਾਰ, ਸਮਾਜ ਸੇਵਕ, ਸਮਾਜਿਕ ਆਰਗੇਨਾਈਜ਼ਰ ਅਤੇ ਇਨਸਾਫ਼ ਦੇ ਪੱਖਦਾਰ ਹਨ। ਉਹਨਾਂ ਦੀ ਜੋੜੀ 2008 ਤੋਂ ਨਾਟਕ ਅਤੇ ਸੜਕ ਨਾਟਾਂ ਰਾਹੀਂ ਮਜ਼ਦੂਰਾਂ ਅਤੇ ਮਹਿਲਾਵਾਂ ਦੇ ਹੱਕਾਂ ਲਈ ਕੰਮ ਕਰ ਰਹੀ ਹੈ। ਕੈਨੇਡਾ ਵਿੱਚ ਵੀ ਨੀਤੂ ਸ਼ਰਮਾ ਲੇਖਕਾ, ਨਿਰਦੇਸ਼ਕਾ ਅਤੇ ਅਭਿਨੇਤਰੀ ਵਜੋਂ ਸਰਗਰਮ ਹੈ ਅਤੇ ਗੌਰਵ ਇਮੀਗ੍ਰੈਂਟ ਵਰਕਰਜ਼ ਸੈਂਟਰ ’ਚ ਕਮਿਊਨਿਟੀ ਆਰਗੇਨਾਈਜ਼ਰ ਵਜੋਂ ਸੇਵਾਵਾਂ ਦੇ ਰਹੇ ਹਨ ਅਤੇ ਆਮ ਲੋਕਾਈ ਦੇ ਭਲੇ ਲਈ ਕਾਰਜਸ਼ੀਲ ਹਨ । ਉਹਨਾਂ ਦੀ ਮਿਸ਼ਨ ਹੈ  ਹਾਸ਼ੀਏ ’ਤੇ ਧੱਕੇ ਖਾ ਰਹੀਆਂ ਆਵਾਜ਼ਾਂ ਨੂੰ ਉਭਾਰਨਾ,  ਸਭ ਲਈ ਪਰਿਵਾਰਿਕ ਤੇ ਮਿਆਰੀ ਨਾਟਕ ਤਿਆਰ ਕਰਨਾ ਅਤੇ ਲੋਕ  ਕਲਾਵਾਂ ਰਾਹੀਂ ਲੋਕਾਂ ਨੂੰ ਸਿੱਖਿਆ ਅਤੇ ਸ਼ਕਤੀਸ਼ਾਲੀ ਬਣਾਉਣਾ ਹੈ। 

ਇਸ ਨਾਟਕ ਸਬੰਧੀ ਹੋਰ ਜਾਣਕਾਰੀ ਲਈ ਫ਼ੋਨ 438 -934 -9999 ਤੇ ਗੌਰਵ ਸ਼ਰਮਾ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ ।