ਜ਼ਿਲ੍ਹਾ ਮੈਜਿਸਟ੍ਰੇਟ ਵੱਲੋਂ ਹੰਸਾਲੀ ਇੰਮੀਗ੍ਰੇਸ਼ਨ ਐਂਡ ਐਜੂਕੇਸ਼ਨ ਦਾ ਲਾਇਸੰਸ ਰੱਦ

ਪ੍ਰਬੰਧਕਾਂ ਵੱਲੋਂ ਸੰਸਥਾ ਬੰਦ ਕਰਨ ਦੀ ਅਰਜ਼ੀ ਉਪਰੰਤ ਲਿਆ ਗਿਆ ਫੈਸਲਾ
ਨਵਾਂਸ਼ਹਿਰ, 15 ਮਾਰਚ : ਦਫ਼ਤਰ ਜ਼ਿਲ੍ਹਾ ਮੈਜਿਸਟ੍ਰੇਟ ਸ਼ਹੀਦ ਭਗਤ ਸਿੰਘ ਨਗਰ ਵੱਲੋਂ
ਪੰਜਾਬ ਪ੍ਰੀਵੈਨਸ਼ਨ ਆਫ਼ ਹਿਊੂਮਨ ਸਮੱਗਲਿੰਗ ਐਕਟ-2012 ਦੇ 'ਪੰਜਾਬ ਪ੍ਰੀਵੈਨਸ਼ਨ ਆਫ਼
ਹਿਊਮਨ ਸਮੱਗਲਿੰਗ ਰੂਲਜ਼, 2013' ਤਹਿਤ ਫ਼ਰਮ ਹੰਸਾਲੀ ਇੰਮੀਗ੍ਰੇਸ਼ਨ ਐਂਡ ਐਜੂਕੇਸ਼ਨ,
ਅਮਿਤ ਟਾਵਰ, ਰੇਲਵੇ ਰੋਡ, ਨਵਾਂਸ਼ਹਿਰ ਨੂੰ ਜਾਰੀ ਲਾਇਸੰਸ ਨੰਬਰ 75/ਐਮ ਏ/ਐਮ ਸੀ 2
ਮਿਤੀ 21.06.2018 ਤੁਰੰਤ ਪ੍ਰਭਾਵ ਤੋਂ ਰੱਦ ਕਰ ਦਿੱਤਾ ਹੈ। ਵਧੀਕ ਜ਼ਿਲ੍ਹਾ
ਮੈਜਿਸਟ੍ਰੇਟ, ਸ਼ਹੀਦ ਭਗਤ ਸਿੰਘ ਨਗਰ, ਰਾਜੀਵ ਵਰਮਾ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਸਰਲ
ਭੋਲਾ ਪੁੱਤਰ ਦਵਿੰਦਰ ਭੋਲਾ ਵਾਸੀ ਗਿਆਨੀ ਜ਼ੈਲ ਸਿੰਘ ਨਗਰ, ਰੂਪਨਗਰ ਦੇ ਨਾਮ 'ਤੇ ਜਾਰੀ
ਇਸ ਲਾਇਸੰਸ ਨੂੰ, ਉਸ (ਖੁਦ) ਵੱਲੋਂ ਮਿਤੀ 27 ਦਸੰਬਰ 2022 ਨੂੰ ਇੱਕ ਬਿਨੇ ਪੱਤਰ ਦੇ
ਕੇ ਰੱਦ ਕਰਨ ਦੀ ਮੰਗ ਕੀਤੀ ਗਈ ਸੀ। ਰੱਦ ਕਰਨ ਦਾ ਕਾਰਨ ਉਸ ਵੱਲੋਂ ਆਇਲਟਸ ਇੰਟੀਚਿਊਟ
ਨੂੰ ਬੰਦ ਕਰਨਾ ਦੱਸਿਆ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਉਕਤ ਲਾਇਸੰਸ ਜਿਸ ਦੀ ਮਿਆਦ 20
ਜੂਨ 2023 ਤੱਕ ਹੈ, ਨੂੰ ਉਕਤ ਬਿਨੇ ਪੱਤਰ ਅਤੇ ਪੁਲਿਸ ਰਿਪੋਰਟ ਤੋਂ ਬਾਅਦ ਮਿਤੀ 10
ਮਾਰਚ, 2023 ਨੂੰ ਤੁਰੰਤ ਪ੍ਰਭਾਵ ਨਾਲ ਰੱਦ/ਕੈਂਸਲ ਕਰ ਦਿੱਤਾ ਗਿਆ ਹੈ ਤਾਂ ਜੋ ਇਸ ਦੀ
ਕੋਈ ਦੁਰਵਰਤੋਂ ਨਾ ਹੋ ਸਕੇ। ਉਨ੍ਹਾਂ ਕਿਹਾ ਕਿ ਐਕਟ/ਰੂਲਜ਼ ਮੁਤਾਬਕ ਫ਼ਰਮ ਖਿਲਾਫ਼ ਕਿਸੇ
ਵੀ ਸ਼ਿਕਾਇਤ ਆਦਿ ਜਾਂ ਭਰਪਾਈ ਲਈ ਉਕਤ ਲਾਇਸੰਸੀ ਜਿੰਮੇਂਵਾਰ ਹੋਵੇਗਾ।