ਹੁਸ਼ਿਆਰਪੁਰ 18 ਸਤੰਬਰ ( ਪਰਸ਼ੋਤਮ ਲਾਲ ਦੜੋਚ ) ਬੀਤੇ ਦਿਨੀ ਪੰਜਾਬ ਸਰਕਾਰ ਵੱਲੋ ਵਣ ਵਿਭਾਗ ਵਿੱਚ ਕੀਤੀਆ ਬਦਲੀਆ ਵਿੱਚ ਜਸਪਾਲ ਸਿੰਘ ਨੂੰ ਮਾਹਿਲਪੁਰ ਵਣ ਰੇਂਜ ਤੋ ਬਦਲ ਕੇ ਵਣ ਰੇਂਜ ਅਫਸਰ ਹੁਸ਼ਿਆਰਪੁਰ ਲਗਾਇਆ ਗਿਆ ਹੈ । ਉਹ ਇਥੇ ਜਤਿੰਦਰ ਸਿੰਘ ਰਾਣਾ ਦੀ ਥਾਂ ਤੇ ਆਏ ਹਨ । ਜਿਨ੍ਹਾਂ ਦੀ ਬਦਲੀ ਮਹਿਗਰੋਵਾਲ ਰੇਂਜ ਦੀ ਹੋ ਗਈ ਹੈ । ਜਸਪਾਲ ਸਿੰਘ ਨੇ ਬਤੌਰ ਵਣ ਰੇਂਜ ਅਫਸਰ ਹੁਸ਼ਿਆਰਪੁਰ ਦਾ ਚਾਰਜ ਸੰਭਾਲਿਆ ।ਉਹਨਾ ਕਿਹਾ ਕਿ ਵਾਤਾਵਰਣ ਦੀ ਸ਼ੁਧਤਾ ਲਈ ਸਾਨੂੰ ਸਾਰਿਆਂ ਨੂੰ ਵੱਧ ਤੋ ਵੱਧ ਬੂਟੇ ਲਗਾਉਣੇ ਚਾਹੀਦੇ ਹਨ ਤੇ ਉਹਨਾ ਦੀ ਸਾਭ ਸੰਭਾਲ ਵੀ ਕਰਨੀ ਚਾਹੀਦੀ ਹੈ । ਉਹਨਾ ਇਹ ਵੀ ਕਿਹਾ ਕਿ ਲੱਕੜੀ ਚੋਰੀ ਕਰਨ ਵਾਲੇ ਤਸਕਰਾ ਤੇ ਵਿਭਾਗ ਦੀ ਤਿਰਛੀ ਨਜ਼ਰ ਰਹੇਗੀ। ਚੱਕ ਸਾਦੂ, ਜਹਾਨਖੇਲਾ, ਚੌਹਾਲ ਨਾਕਿਆ ਤੇ ਚੌਕਸੀ ਹੋਰ ਵਧਾਈ ਜਾਵੇਗੀ । ਲੱਕੜੀ ਚੋਰੀ ਕਰਨ ਵਾਲਿਆ ਤੇ ਪੂਰੀ ਸਖਤੀ ਵਰਤੀ ਜਾਵੇਗੀ । ਕਿਸੇ ਨੂੰ ਬਖਸਿਆ ਨਹੀ ਜਾਵੇਗਾ ।
