ਪਾਵਰ ਪਲਾਂਟ ਦੇ ਘਿਰਾਓ ਵਿੱਚ ਹੋਣਗੇ ਸ਼ਾਮਲ ਦੁਰਗਾ ਪੁਰੀਏ ਤੇ ਕੁਲਾਮੀਏ ਵੀ

 ਨਵਾਂਸ਼ਹਿਰ 19 ਜਨਵਰੀ :- ਦੁਰਗਾ ਪੁਰ ਅਤੇ ਕੁਲਾਮ ਪਿੰਡਾਂ ਦੇ ਲੋਕ ਵੀ 24 ਜਨਵਰੀ ਨੂੰ ਕੀਤੇ ਜਾ ਰਹੇ ਕੋਜੈਨਰੇਸ਼ਨ ਪਾਵਰ ਪਲਾਂਟ ਦੇ ਘਿਰਾਓ ਵਿੱਚ ਹੁੰਮਹੁਮਾ ਕੇ ਪੁੱਜਣਗੇ। ਇਹ ਐਲਾਨ ਅੱਜ ਉਹਨਾਂ ਨੇ ਪੀਰ ਬਾਬਾ ਪੱਤਣਸ਼ਾਹ ਦੇ ਅਸਥਾਨ ਕੁਲਾਮ ਵਿਖੇ ਹੋਏ ਇਕੱਠ ਵਿੱਚ ਪਹੁੰਚੇ ਲੋਕ ਸੰਘਰਸ਼ ਮੰਚ ਨਵਾਂਸ਼ਹਿਰ ਦੇ ਆਗੂਆਂ ਨੂੰ ਯਕੀਨ ਦਿਵਾਉਂਦਿਆਂ ਕੀਤਾ। ਇਸ ਮੌਕੇ ਸੰਬੋਧਨ ਕਰਦਿਆਂ ਮੰਚ ਦੇ ਕਨਵੀਨਰ ਜਸਬੀਰ ਦੀਪ , ਅਸ਼ਵਨੀ ਜੋਸ਼ੀ ਅਤੇ ਪਰਦੀਪ ਚਾਂਦਲਾ ਨੇ ਕਿਹਾ ਕਿ ਪਾਵਰ ਪਲਾਂਟ ਦੀ ਸੁਆਹ ਤੋਂ ਦੁਖੀ ਨਵਾਂਸ਼ਹਿਰ ਵਾਸੀਆਂ ਦੇ  ਨਾਲ ਲੱਗਦੇ ਪਿੰਡਾਂ ਦੇ ਲੋਕ ਵੀ ਭਾਰੀ ਗੁੱਸੇ ਵਿੱਚ ਹਨ।ਪਾਵਰ ਪਲਾਂਟ ਦਾ ਜਬਰਦਸਤ ਘਿਰਾਓ ਕੀਤਾ ਜਾਵੇਗਾ।ਇਸ ਮੌਕੇ ਬੂਟਾ ਸਿੰਘ ,ਸੁਖਬੀਰ ਸਿੰਘ, ਬਲਵੀਰ ਸਿੰਘ, ਗੁਰਜੀਤ ਸਿੰਘ, ਸਰਬਣ ਸਿੰਘ, ਜੀਤਾ ਸਿੰਘ ਨੇ ਵੀ ਸੰਬੋਧਨ ਕੀਤਾ।

 ਕੈਪਸ਼ਨ : ਬਾਬਾ ਪੱਤਣਸ਼ਾਹ ਦੇ ਅਸਥਾਨ ਉੱਤੇ ਮੀਟਿੰਗ ਵਿੱਚ ਸ਼ਾਮਲ ਆਗੂ।