ਸਤਿਗੁਰ ਰਵਿਦਾਸ ਮਹਾਰਾਜ ਦੇ ਆਗਮਨ ਪੁਰਬ ਤੇ ਆ ਰਿਹਾ ਨੀਰੂ ਜੱਸਲ ਦਾ ਧਾਰਮਿਕ ਟਰੈਕ "ਦੀਵਾਨੀ "

 ਨਵਾਂਸ਼ਹਿਰ 7 ਜਨਵਰੀ:-   ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਹੱਕ ਰਿਕਾਰਡਜ਼ ਕੰਪਨੀ ਵਲੋਂ ਪ੍ਰਸਿੱਧ ਗਾਇਕਾ ਨੀਰੂ ਜੱਸਲ ਦਾ ਧਾਰਮਿਕ ਟਰੈਕ ਗੁਰਪੁਰਬ ਮੌਕੇ ਜਲਦ ਹੀ ਰਿਲੀਜ਼ ਕੀਤਾ ਜਾਵੇਗਾ ਜਿਸਦਾ ਟਾਈਟਲ ਹੈ " ਦੀਵਾਨੀ " । ਨਾਮੀ ਗੀਤਕਾਰ ਹੈਪੀ ਡੱਲੀ ਵਲੋਂ ਲਿਖਿਆ ਇਹ ਗੀਤ ਇਸ ਵਾਰ ਨੀਰੂ ਜੱਸਲ ਇੱਕ ਵੱਖਰੇ ਅੰਦਾਜ਼ ਚ ਪੇਸ਼ ਕਰਨ ਜਾ ਰਹੀ ਹੈ ਜਿਸਦਾ ਵੀਡਿਉ ਕੀਤਾ ਹੈ ਨਿਸ਼ੂ ਕਸ਼ਿਅਪ ਨੇ । ਜ਼ਿਕਰਯੋਗ ਹੈ ਕਿ ਨੀਰੂ ਜੱਸਲ ਇੱਕ ਕੰਪਿਊਟਰ ਟੀਚਰ ਹੋਣ ਦੇ ਨਾਲ ਨਾਲ ਇੱਕ ਨਾਮੀ ਲੇਖਕ ਵੀ ਹਨ ਜਿਨ੍ਹਾਂ ਦੇ ਪਹਿਲਾਂ ਵੀ ਕਈ ਧਾਰਮਿਕ ਗੀਤ ਆਏ ਨੇ ਅਤੇ ਉਹਨਾਂ ਨੇ ਬਾਬਾ ਸਾਹਿਬ ਡਾ ਭੀਮ ਰਾਓ ਅੰਬੇਦਕਰ ਜੀ ਨੂੰ ਸਮਰਪਿਤ ਗੀਤ ਵੀ ਗਾਇਆ ਹੈ। ਉਸਨੂੰ ਆਸ ਹੈ ਕਿ ਪਹਿਲੇ ਗੀਤਾਂ ਵਾਂਗ‌ ਇਸ ਗੀਤ ਨੂੰ ਵੀ ਸਰੋਤਿਆਂ ਵੱਲੋਂ ਪਸੰਦ ਕੀਤਾ ਜਾਵੇਗਾ।