ਨਵਾਂਸ਼ਹਿਰ 19 ਜਨਵਰੀ : ਉਘੇ ਲੇਖਕ, ਕਵੀ ਤੇ ਪੱਤਰਕਾਰ ਜਸਪਾਲ ਸਿੰਘ ਨਾਗਰਾ ਨੇ ਅੱਜ ਸਸਸਸ ਲੰਗੜੋਆ ਦੀ ਫੇਰੀ ਦੌਰਾਨ ਆਪਣੀ ਬਾਲ ਸਾਹਿਤ ਦੇ ਰੂਪ ਵਿੱਚ ਲਿਖੀ ਕਿਤਾਬ ਚੰਗੇ ਬੱਚੇ ਲੋਕ ਅਰਪਣ ਕੀਤੀ। ਇਸਦੀ ਘੁੰਡ ਚੁਕਾਈ ਸਵੇਰ ਦੀ ਸਭਾ ਵਿੱਚ ਪ੍ਰਿੰਸੀਪਲ ਡਾਕਟਰ ਸੁਰਿੰਦਰ ਪਾਲ ਅਗਨੀਹੋਤਰੀ ਵਲੋਂ ਕੀਤੀ ਗਈ ਤੇ ਇਸ ਬਾਰੇ ਬੱਚਿਆਂ ਨੂੰ ਜਾਣਕਾਰੀ ਦਿੱਤੀ ਗਈ । ਕਿਤਾਬ ਵਿੱਚ ਬੱਚਿਆਂ ਲਈ ਕਵਿਤਾਵਾਂ ਤੇ ਗਿਆਨ ਭਰਪੂਰ ਜਾਣਕਾਰੀ ਛਾਪੀ ਗਈ ਹੈ। ਵਾਈਸ ਪ੍ਰਿੰਸੀਪਲ ਮੈਡਮ ਗੁਨੀਤ ਨੇ ਕਿਹਾ ਕਿ ਬੱਚੇ ਇਸਨੂੰ ਪੜ੍ਹ ਕੇ ਆਪਣੇ ਜੀਵਨ ਦਾ ਆਧਾਰ ਬਣਾਉਣ ਤੇ ਚੰਗੇ ਗੁਣਾ ਦੇ ਧਾਰਨੀ ਬਣਨ। ਇਸ ਮੌਕੇ ਉਹਨਾਂ ਨਾਲ ਮਾਸਟਰ ਸੁਨੀਲ ਦੱਤ ਤੋਂ ਇਲਾਵਾ ਸਕੂਲ ਦੇ ਜਸਵਿੰਦਰ ਸਿੰਘ ਸੰਧੂ, ਮਨਮੋਹਨ ਸਿੰਘ, ਹਰਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ, ਬਲਦੀਪ ਸਿੰਘ, ਸੁਸ਼ੀਲ ਕੁਮਾਰ, ਪਰਮਿੰਦਰ ਸਿੰਘ, ਮੀਨਾ ਰਾਣੀ, ਜਸਵਿੰਦਰ ਕੌਰ ਸੁਮੀਤ ਸੋਢੀ ਆਦਿ ਹਾਜ਼ਰ ਸਨ।
