ਨਵਾਂਸ਼ਹਿਰ 23 ਜਨਵਰੀ :- ਮੁਹੱਲਾ ਸ਼ਿਵ ਨਗਰ ਰੇਲਵੇ ਰੋਡ ਨਵਾਂਸ਼ਹਿਰ ਦੀਆਂ ਔਰਤਾਂ ਨੇ ਇਸਤਰੀ ਆਗੂ ਰਜਨੀ ਕੰਡਾ ਦੀ ਅਗਵਾਈ ਵਿੱਚ ਝਾੜੂ ਹੱਥਾਂ ਵਿੱਚ ਫੜਕੇ ਪਾਵਰ ਪਲਾਂਟ ਦੀ ਸ਼ਹਿਰ ਉੱਤੇ ਡਿੱਗਦੀ ਸੁਆਹ ਬੰਦ ਕਰਨ ਦੀ ਮੰਗ ਕੀਤੀ।ਇਸ ਮੌਕੇ ਵਿਚਾਰ ਪੇਸ਼ ਕਰਦਿਆਂ ਰਜਨੀ ਕੰਡਾ ਨੇ ਕਿਹਾ ਕਿ ਇਸ ਸੁਆਹ ਤੋਂ ਸ਼ਹਿਰ ਦੀਆਂ ਔਰਤਾਂ ਡਾਢੀਆਂ ਪ੍ਰੇਸ਼ਾਨ ਹਨ।ਕੱਪੜੇ ਧੋਕੇ ਬਾਹਰ ਸੁੱਕਣੇ ਨਹੀਂ ਪਾ ਸਕਦੀਆਂ, ਘਰਾਂ ਦੀ ਸਫਾਈ ਲਈ ਵਾਰ ਵਾਰ ਝਾੜੂ ਪੋਚਾ ਲਾਣਾ ਪੈਂਦਾ ਹੈ। ਅੱਖਾਂ ਵਿੱਚ ਸੁਆਹ ਪੈਕੇ ਅੱਖਾਂ ਖਰਾਬ ਕਰ ਰਹੀ ਹੈ। ਉਹਨਾਂ ਕਿਹਾ ਕਿ 24 ਜਨਵਰੀ ਨੂੰ ਕੀਤੇ ਜਾ ਰਹੇ ਪਾਵਰ ਪਲਾਂਟ ਦੇ ਘਿਰਾਓ ਵਿੱਚ ਔਰਤਾਂ ਹੁੰਮਹੁਮਾ ਕੇ ਪੁੱਜਣਗੀਆਂ।
ਕੈਪਸ਼ਨ : ਪਾਵਰ ਪਲਾਂਟ ਦੀ ਸੁਆਹ ਵਿਰੁੱਧ ਰੋਸ ਪ੍ਰਗਟਾਉਂਦੀਆਂ ਔਰਤਾਂ।
