ਪ੍ਰੀ ਪ੍ਰਾਇਮਰੀ ਜਮਾਤਾਂ ਦੇ ਬੱਚਿਆਂ ਨੂੰ ਵੰਡੀਆਂ ਗਈਆਂ ਸਟੇਸ਼ਨਰੀ ਕਿਟਾਂ।

ਨਵਾਂਸ਼ਹਿਰ, 10  ਫਰਵਰੀ - ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਲੰਗੜੋਆ ਵਿਖੇ ਪ੍ਰੀ ਪ੍ਰਾਇਮਰੀ ਦੀਆਂ  ਜਮਾਤਾਂ  ਐਲ.ਕੇ.ਜੀ.ਅਤੇ ਯੂ.ਕੇ.ਜੀ. ਦੇ ਬੱਚਿਆ ਨੂੰ  ਸਟੇਸ਼ਨਰੀ ਕਿਟਾਂ ਸਰਪੰਚ ਸਰਦਾਰ ਗੁਰਦੇਵ ਸਿੰਘ ਪਾਬਲਾ ਅਤੇ ਸਕੂਲ ਮੈਨੇਜੈਂਟ ਕਮੇਟੀ ਵਲੋਂ ਮਾਪਿਆਂ ਨੂੰ  ਤਕਸੀਮ ਕੀਤੀਆਂ ਗਈਆਂ। ਸਕੂਲ ਮੁੱਖੀ ਰਮਨ ਕੁਮਾਰ  ਨੇ ਪੱਤਵੰਤੇ ਸੱਜਣਾਂ ਨੂੰ ਜੀ ਆਇਆਂ ਆਖਿਆ ਅਤੇ ਮਾਪਿਆਂ ਨੂੰ  ਬੱਚਿਆਂ ਦੀ ਸਿੱਖਣ ਸਿਖਾਉਣ ਪ੍ਰਕਿਰਿਆ ਵਿਚ ਆਪਣੇ ਮਹੱਤਵਪੂਰਨ ਯੋਗਦਾਨ ਨੂੰ  ਸਮਝਦੇ ਹੋਏ  ਭਾਗੀਦਾਰ ਬਣਕੇ ਅਧਿਆਪਕਾਂ ਨਾਲ ਸਹਿਯੋਗ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਸਤਪਾਲ ਪੰਚ ਅਤੇ ਚੇਅਰਪਰਸਨ ਬਲਵਿੰਦਰ ਕੁਮਾਰੀ ਨੇ ਵੀ ਮਾਪਿਆਂ ਨੂੰ ਸੰਬੋਧਨ ਕੀਤਾ ਇਸ ਮੌਕੇ   ਕਮਲੇਸ਼ ਕੌਰ, ਰਿੰਕੂ ਚੋਪੜਾ, ਸ਼ੈਲੀ ਜੈਰਥ, ਗਗਨਦੀਪ, ਸ਼ਾਲੀਨਤਾ ਭਨੋਟ, ਮਨਪ੍ਰੀਤ ਸਿੰਘ, ਸੁੱਖੀ ਚੁੰਬਰ, ਹਰਲੀਨ ਕੌਰ, ਮਨਦੀਪ ਕੌਰ, ਸ਼ਾਲੂ ਆਦਿ ਹਾਜਰ ਰਹੇ।