ਨਵਾਂਸ਼ਹਿਰ 8 ਫਰਵਰੀ:- ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਅਤੇ ਜਿਲ੍ਹਾ ਸਿੱਖਿਆ ਅਫ਼ਸਰ ਵਰਿੰਦਰ ਕੁਮਾਰ ਸ਼ਹੀਦ ਭਗਤ ਸਿੰਘ ਨਗਰ ਦੇ ਦਿਸ਼ਾ ਨਿਰਦੇਸ਼ਾਂ ਅਧੀਨ ਪ੍ਰੀ ਪ੍ਰਾਇਮਰੀ ਦੀਆਂ ਜਮਾਤਾਂ ਐਲ.ਕੇ.ਜੀ.ਅਤੇ ਯੂ.ਕੇ.ਜੀ. ਦੇ ਬੱਚਿਆ ਦੀਆਂ ਸਿੱਖਣ ਸਿਖਾਉਣ ਗਤੀਵਿਧੀਆਂ ਲਈ ਵੱਖ ਵੱਖ ਤਰਾਂ ਦੀਆਂ ਟੀ.ਐਲ.ਐਮ. ਬਣਾਉਣ ਦੀ ਇਕ ਰੋਜ਼ਾ ਟਰੇਨਿੰਗ ਕਮ ਵਰਕਸ਼ਾਪ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਲੰਗੜੋਆ ਵਿਖੇ ਲਗਾਈ ਗਈ। ਸਕੂਲ ਮੁੱਖੀ ਸ਼੍ਰੀ ਰਮਨ ਕੁਮਾਰ ਜੀ ਨੇ ਇਸ ਵਰਕਸ਼ਾਪ ਵਿੱਚ ਹਿੱਸਾ ਲੈਣ ਲਈ ਆਏ ਸਮੂਹ ਅਧਿਆਪਕਾਂ ਨੂੰ ਜੀ ਆਇਆਂ ਆਖਿਆ ਅਤੇ ਵਰਕਸ਼ਾਪ ਵਿੱਚ ਵਧੀਆ ਢੰਗ ਨਾਲ ਭਾਗੀਦਾਰੀ ਕਰਕੇ ਸਿੱਖਣ ਲਈ ਪ੍ਰੇਰਿਤ ਕੀਤਾ ਅਤੇ ਪ੍ਰਥਮ ਕੋਡਿਨੇਟਰ ਨੇਹਾ ਅਤੇ ਉਹਨਾਂ ਦੀ ਸਮੁੱਚੀ ਟੀਮ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸ਼੍ਰੀ ਗੁਰਦੀਪ ਕੁਮਾਰ, ਕੁਲਦੀਪ ਕੁਮਾਰੀ, ਕਿਰਨ ਬਾਲਾ ਹੈਡ ਟੀਚਰ, ਸ਼੍ਰੀ ਮਤੀ ਪਰਮਜੀਤ ਕੌਰ, ਕਮਲੇਸ਼ ਕੌਰ, ਹਰਲੀਨ ਕੌਰ, ਰਿੰਕੂ ਚੋਪੜਾ, ਗੁਰਪ੍ਰੀਤ ਕੌਰ, ਪੂਜਾ ਸ਼ਰਮਾ, ਮੀਨਾਕਸ਼ੀ, ਆਰਤੀ,ਵਿਨੋਦ ਕੁਮਾਰ, ਨਿਸ਼ਾ ਰਾਣੀ, ਗਗਨਦੀਪ, ਜਯੋਤੀ ਬਾਲਾ,ਰੀਮਾ ਰਾਣੀ ਆਦਿ ਹਾਜਰ ਰਹੇ।
