ਅਜਾਦੀ ਪਾਓ ਯਾਤਰਾ ਦੀਆਂ ਤਿਆਰੀਆਂ ਮੁਕੰਮਲ : ਫਕੀਰ ਚੰਦ ਜੱਸਲ

ਨਵਾਂਸ਼ਹਿਰ  25 ਫਰਵਰੀ  :-  ਅਣਖ ਜਗਾਓ ਅਜਾਦੀ ਪਾਓ ਯਾਤਰਾ ਦੀਆਂ ਤਿਆਰੀਆਂ ਸਬੰਧੀ  ਅੱਜ ਪਾਵਰ ਆਫ ਸੋਸਲ ਯੂਨਿਟੀ ਦੇ ਪ੍ਰਧਾਨ ਫਕੀਰ ਚੰਦ ਜੱਸਲ ਵਲੋ ਨਵਾਂਸ਼ਹਿਰ ਵਿਖੇ ਕੀਤੀ ਗਈ ਮੀਟਿੰਗ 'ਚ ਜਾਇਜਾ ਲਿਆ ਗਿਆ । ਜਿਲ੍ਹਾ ਸਹੀਦ ਭਗਤ ਸਿੰਘ ਨਗਰ ਦੇ ਜਿਲ੍ਹਾ ਪ੍ਰਧਾਨ ਕਮਲਜੀਤ ਸਿੰਘ ਮਹੇ ਦੇ ਘਰ ਹੋਈ ।  ਇਸ ਮੀਟਿੰਗ 'ਚ  ਸ੍ਰੀ  ਜੱਸਲ ਵਲੋ  ਕਮਲਜੀਤ ਮਹੇ ਦਾ ਪ੍ਰਧਾਨ ਬਣਨ ਤੇ ਮੂੰਹ ਵੀ ਮਿੱਠਾ ਕਰਵਾਇਆ ਗਿਆ । ਇਸ ਮੌਕੇ ਸੰਬੋਧਨ ਕਰਦਿਆ  ਸ੍ਰੀ ਜੱਸਲ ਨੇ ਕਿਹਾ ਕਿ ਉਨ੍ਹਾ ਦੀ ਜਥੇਬੰਦੀ ਗੈਰ ਰਾਜਨੀਤਿਕ ਹੈ ਉਨਾ ਦੀ ਜਥੇਬੰਦੀ ਦਾ ਇਕੋ ਨਿਸਾਨਾ ਹੈ ਕਿ ਬਾਬਾ ਸਾਹਿਬ ਦੀ ਵਿਚਾਰਧਾਰਾ ਨੂੰ  ਘਰ ਘਰ  ਤੱਕ ਪਹੁੰਚਾਇਆ ਜਾਵੇ । ਜਿਸ ਕਰਕੇ ਉਨ੍ਹਾ ਵਲੋ ਵਿਸ਼ੇਸ਼ ਤੌਰ ਤੇ ਅਣਖ ਜਗਾਓ ਅਜਾਦੀ ਪਾਓ ਯਾਤਰਾ ਕੱਢੀ ਜਾ ਰਹੀ ਹੈ। ਉਨ੍ਹਾ  ਦੱਸਿਆ ਕਿ ਯਾਤਰਾ 26 ਫਰਵਰੀ ਨੂੰ ਪਿੰਡ ਮੁਗੋਵਾਲ ਤਹਿਸੀਲ ਮਾਹਿਲਪੁਰ ਤੋ ਅਰੰਭ ਹੋਵੇਗੀ ਤੇ ਪੰਜਾਬ ਦੇ ਵੱਖ ਵੱਖ ਹਿਸਿਆਂ ਤੋ ਹੁੰਦੀ ਹੋਈ 30 ਅਪ੍ਰੈਲ ਨੂੰ ਸੁਨਾਮ ਸਮਾਪਤ ਹੋਵੇਗੀ । ਉਨ੍ਹਾ ਦੱਸਿਆ ਕਿ ਯਾਤਰਾ 7 ਅਪਰੈਲ  ਨੂੰ  ਨਵਾਂਸ਼ਹਿਰ 'ਚੋ ਲੰਘੇਗੀ । ਇਸ ਮੌਕੇ  ਅਮਰ ਚੰਦ ਵੀ ਹਾਜਰ ਸਨ ।